فوتو: petrocouncil.kz
«تەڭىزشەۆرويل» مۇناي كومپانياسىنىڭ اتىراۋ وبلىسى جىلىوي اۋدانىندا ورنالاسقان زاۋىتى ورتەنىپ، جۇزدەگەن جۇمىسشى ەۆاكۋاتسيالاندى. بۇل تۋرالى جەرگىلىكتى «اق جايىق» گازەتى جازدى، دەپ حابارلايدى "ادىرنا".
باسىلىمنىڭ مالىمەتىنشە, ءورت 18 قاڭتاردا تاڭەرتەڭ ساعات 09:55 شاماسىندا شىققان. تەڭىز كەن ورنىنداعى ءۇشىنشى بۋىنعا جاتاتىن زاۋىتتىڭ 52-ۋچاسكەسى ورتەنگەن.
"وت ءبىرىنشى جانە ەكىنشى گەنەراتور اراسىنداعى ترانسفورماتور ورنالاسقان اۋماقتا تۇتانعان", – دەپ جازدى باسىلىم.
زاۋىت اۋماعىنداعى جۇزدەگەن جۇمىسشى ەۆاكۋاتسيالانعان. ءباسپاسوز بارلىعى 473 ادام شىعارىلعانى تۋرالى مالىمەت تاراتتى. ورتتەن زارداپ شەككەندەر تۋرالى مالىمەت ازىرگە جاريالانبادى. ءورت تولىقتاي ءسوندىرىلدى.
«تەڭىزشەۆرويل» كومپانياسىنا تيەسىلى زاۋىتتىڭ ورتەنۋ سەبەبى انىقتالىپ جاتىر.
