قازاقستان سىرتقى ىستەر ءمينيسترىنىڭ ءبىرىنشى ورىنباسارى مەن اقش ەلشىسى كەزدەستى، دەپ حابارلايدى “ادىرنا” ۇلتتىق پورتالى.
سىرتقى ىستەر ءمينيسترىنىڭ ءبىرىنشى ورىنباسارى ەرجان اشىقباەۆ اقش-تىڭ قازاقستانداعى جاڭادان تاعايىندالعان ەلشىسى دجۋلي ستاففتتى قابىلدادى.
كەزدەسۋ بارىسىندا امەريكالىق ديپلومات سەنىم گراموتاسىنىڭ كوشىرمەسىن تاپسىردى.
تاراپتار قازاقستان مەن اقش اراسىنداعى ستراتەگيالىق ارىپتەستىكتىڭ قازىرگى احۋالى مەن ونى ودان ءارى دامىتۋ باعىتتارىن تالقىلادى. سونىمەن قاتار ەكىجاقتى ىنتىماقتاستىقتى كەڭەيتۋگە قاتىستى ءوزارا پىكىر الماستى.
كەزدەسۋ قورىتىندىسىندا ۆيتسە-مينيستر مەن ەلشى كونسترۋكتيۆتى ءارى ءوزارا ءتيىمدى جۇمىس جۇرگىزۋگە دايىن ەكەنىن ءبىلدىرىپ، ساياسي ديالوگتى تۇراقتى نەگىزدە جالعاستىرۋعا ۋاعدالاستى.
2025 جىلى قازان ايىندا ءمينيستردىڭ ءبىرىنشى ورىنباسارى بولىپ تاعايىندالعانعا دەيىن ەرجان اشىقباەۆ قازاقستاننىڭ اقش-تاعى توتەنشە جانە ەلشىسى قىزمەتىن اتقارعان. بىرنەشە جىل بۇرىن اقش پرەزيدەنتى دونالد ترامپتىڭ كومەكشىسى بولعان دجۋلي ستاففت حانىم دا وسى ەلدىڭ قازاقستانداعى ەلشىسى بولىپ 2025 جىلدىڭ قازان ايىندا تاعايىندالعان ەدى.
