قازاقستانداعى ەڭ ءىرى اقىلى تەلەديدار وپەراتورى «الما تۆ» ابونەنتتەرى بىرقاتار رەسەيلىك تەلەارنالاردىڭ كورسەتىلىمىنىڭ توقتاتىلعانىن بايقادى، دەپ حابارلايدى "ادىرنا" ۇلتتىق پورتالى zakon.kz-گە سىلتەپ.
ء«بىرىنشى ارنا»، «كارۋسەل» تەلەارنالارىنىڭ حالىقارالىق نۇسقالارى، «تسيفرلىق تەلەوتباسى» توپتاماسىنا كىرەتىن ارنالار ەفيردەن الىندى.
بۇل اقپاراتتى zakon.kz سايتىنا ء«بىرىنشى ارنا» جشس راستادى. كومپانيانىڭ مالىمەتىنشە، كورسەتىلىمدى توقتاتۋ باستاماسى «الما تۆ» تاراپىنان كوتەرىلگەن. بۇعان وپەراتوردىڭ ليتسەنزيالىق تولەمدەردى 50 پايىزعا تومەندەتۋ تۋرالى تالابى سەبەپ بولعان.
كومپانيا وكىلى يرينا كالاشنيكوۆانىڭ ايتۋىنشا، سوڭعى بىرنەشە جىل ىشىندە «پكۆس قازاقستان» ليتسەنزيالىق تولەم مولشەرىن كوتەرمەي، ءاردايىم سەرىكتەستەرىنە تۇسىنىستىكپەن قاراپ كەلگەن.
ء"بىز ارقاشان ارىپتەستەرمەن ورتاق كەلىسىمگە كەلۋگە تىرىستىق. قازىرگى تاڭدا دا كونسترۋكتيۆتى ديالوگقا اشىقپىز جانە ىنتىماقتاستىقتى جالعاستىرۋعا دايىنبىز", - دەدى ول.
ايتا كەتەيىك، «تسيفرلىق تەلەوتباسى» قۇرامىنا «كينو ءۇيى»، «جەڭىس»، «ۋاقىت»، «تەلەكافە»، ء«بىرىنشى مۋزىكاسى» سىندى بىرنەشە تەلەارنا كىرەدى.
