باس كولىك پروكۋرورىنىڭ م.ا. ساكەن جورابەكوۆتىڭ توراعالىعىمەن ۇيلەستىرۋ كەڭەسىنىڭ وتىرىسى ءوتتى. كۇن تارتىبىندە - كولىك وبەكتىلەرىندەگى قۇقىق بۇزۋشىلىقتىڭ الدىن الۋ سالاسىنداعى قۇقىق قورعاۋ جانە ۋاكىلەتتى ورگانداردىڭ ءوزارا ءىس-قيمىلىنىڭ تيىمدىلىگىن ارتتىرۋ ماسەلەلەرى قارالدى.
قۇقىق بۇزۋشىلىقتىڭ جەكەلەگەن تۇرلەرىنىڭ جالپى كەمۋى بايقالعانىمەن، اۋىر قىلمىستاردىڭ، سونىڭ ىشىندە پوەزداردا جاسالۋ قاۋپى، سونداي-اق ەسىرتكى قۇرالدارى مەن سۋىق قارۋدىڭ زاڭسىز اينالىمى فاكتىلەرى ساقتالىپ وتىرعانى اتاپ ءوتىلدى.
وتىرىس بارىسىندا الدىن الۋ شارالارىن، ۆەدومستۆوارالىق ءىس-قيمىلدى، تىيىم سالىنعان زاتتاردىڭ اينالىمىنا باقىلاۋدى كۇشەيتۋ، سونداي-اق ولاردى وتكىزۋدى جانە جارنامالاۋدى جۇزەگە اسىراتىن تۇلعالارعا قاتىستى دەن قويۋ شارالارىن قابىلداۋ قاجەتتىگىنە باسا نازار اۋدارىلدى.
سونىمەن قاتار ەسىرتكى قىلمىسىنا، كيبەرالاياقتىققا، تەمىرجول كولىگىندەگى جۇك ۇرلىعىنا قارسى ءىس-قيمىل، پوەزدار قوزعالىسىنىڭ قاۋىپسىزدىگىن قامتاماسىز ەتۋ جانە تەرروريستىك سيپاتتاعى جالعان حابارلامالاردىڭ الدىن الۋ ماسەلەلەرى قارالدى.
وتىرىس قورىتىندىسى بويىنشا جولاۋشىلاردىڭ قاۋىپسىزدىگىن قامتاماسىز ەتۋگە جانە كولىك ينفراقۇرىلىمى نىساندارىندا قۇقىقتىق ءتارتىپتى نىعايتۋعا باعىتتالعان ۇسىنىستار ازىرلەندى.
