28 جەلتوقساندا اتىراۋ وبلىسى تومارلى اۋىلىندا 3 ادام گازدان ۋلانىپ قايتىس بولدى، دەپ حابارلايدى «ادىرنا» ءتىلشىسى «اقجايىق» باسىلىمىنا سىلتەمە جاساپ.
قايعىلى وقيعا شامامەن ساعات 13:40-تا بولعان. باسىلىم مالىمەتىنشە، جەكەمەنشىك ۇيدە 1958 جىلى تۋعان ەرلى-زايىپتى جانە 1953 جىلى تۋعان ەر ادام بولعان. ۇشەۋى دە وقيعا ورنىندا كوز جۇمعان.
الدىن الا مالىمەت بويىنشا، ءۇش ادامنىڭ ولىمىنە تابيعي گازبەن جۇمىس ىستەگەن جىلىتۋ پەشىندە تارتۋدىڭ بولماۋى سەبەپ بولعان.
قازىرگى ۋاقىتتا بولعان جاعدايدىڭ ناقتى ءمان-جايى انىقتالىپ جاتىر.
ۇقساس جاڭالىقتار
