پاريجدە وتكەن 2024 جىلعى وليمپيادا ويىندارىنىڭ قولا جۇلدەگەرى، بوكستان ءۇش دۇركىن الەم چەمپيونى نازىم قىزايباي ماڭىزدى شەشىم قابىلداعانىن مالىمدەدى، دەپ حابارلايدى "ادىرنا" ۇلتتىق پورتالى.
تانىمال سپورتشى وليمپيادالىق جەتىستىگى ءۇشىن سىيعا العان اۆتوكولىكتى ساتۋعا قويعانىن الەۋمەتتىك جەلىدە حابارلادى.
بوكسشىنىڭ ايتۋىنشا، بۇل شەشىم ونىڭ كوپتەن بەرگى ارمانى – جەكە بوكس زالىن اشۋ ماقساتىمەن بايلانىستى. ول 2025 جىلعا قويعان جوسپارلارىنىڭ باسىم بولىگى جۇزەگە اسقانىن اتاپ ءوتتى.
ء«ۇش نەگىزگى ماقساتىم بولدى. ءبىرىنشىسى – ءۇش دۇركىن الەم چەمپيونى اتانۋ، ەكىنشىسى – وتباسىما ۇلكەن ءۇي الىپ بەرۋ، ءۇشىنشىسى – بوكس زالىن اشۋ. قازىرگى ۋاقىتتا وسىنىڭ ەكەۋى ورىندالدى»، – دەدى نازىم قىزايباي.
سپورتشى بوكس زالىنا ارنالعان عيماراتتى الدىن الا قاراپ قويعانىن جانە اۆتوكولىكتىڭ تەحنيكالىق جاعدايى جاقسى ەكەنىن ايتتى. دەگەنمەن ول ارمانىنا جەتۋ جولىندا بۇل سىيلىقپەن قوشتاسۋعا دايىن ەكەنىن جەتكىزدى.
