ۋكراينا قارۋلى كۇشتەرىنىڭ ارنايى وپەراتسيالىق كۇشتەرى (سسو) كاسپي تەڭىزىندە وپەراتسيا جۇرگىزىپ، ناتيجەسىندە ەكى رەسەيلىك تانكەردى جويدى. بۇل تۋرالى Oxu.Az سسو ءباسپاسوز قىزمەتىنە سىلتەمە جاساپ جاريالادى، دەپ حابارلايدى “ادىرنا”.
سسو مالىمەتىنشە، شابۋىل قالماق رەسپۋبليكاسى جاعالاۋىندا، كەمەلەر قارۋ-جاراق پەن اسكەري تەحنيكا تاسىمالداپ جۇرگەن كەزدە جاسالعان. وپەراتسياعا «قارا ۇشقىن» كوتەرىلىسشىلەر قوزعالىسى دا اقپاراتتىق قولداۋ كورسەتكەن. رەسەي بيلىگى بۇل تۋرالى پىكىر بىلدىرگەن جوق.
بۇعان دەيىن ۋكراينا قاۋىپسىزدىك قىزمەتىنىڭ ۇزاق قاشىقتىققا ۇشاتىن دروندارى كاسپي تەڭىزىندەگى فيلانوۆسكي مۇناي پلاتفورماسىنا سوققى بەرىپ، ونىڭ جۇمىسىن توقتاتتى. پلاتفورما «لۋكويل-نيجنەۆولجسكنەفت» كومپانياسىنا تيەسىلى جانە 20-دان استام ۇڭعىماعا قىزمەت كورسەتەدى. بۇل – كاسپيدە رەسەيدىڭ مۇناي ينفراقۇرىلىمىنا جاسالعان العاشقى ۋكراين سوققىسى.
سوڭعى اپتالاردا ۋكراينا قاۋىپسىزدىك قىزمەتىنىڭ Sea Baby دروندارى قارا تەڭىزدە رەسەيدىڭ «كولەڭكەلى فلوتىنىڭ» بىرنەشە تانكەرىنە سوققى جاسادى:
- Kairos جانە Virat – 28 قاراشادا تۇركيا جاعالاۋىندا زاقىمدالدى; ەكەۋى دە باتىس سانكتسياسىنا ىلىككەن. كەيىن Kairos بولگاريا جاعاسىندا اپاتقا ۇشىراعانى حابارلاندى.
- Midvolga 2 – 2 جەلتوقساندا گرۋزياعا جاقىن ماڭدا شابۋىلعا ءتۇستى.
- Dashan – 10 جەلتوقساندا اۋىر سوققى الىپ، الدىن الا مالىمەت بويىنشا ىستەن شىقتى.
