اۋىل شارۋاشىلىعى مينيسترلىگى تاۋىق جۇمىرتقاسىن شەتەلدەن اكەلۋگە ۋاقىتشا تىيىم سالدى. بۇل شەشىم ىشكى نارىقتى قورعاۋ جانە وتاندىق وندىرۋشىلەردى قولداۋ ماقساتىندا قابىلدانعان، دەپ حابارلايدى «ادىرنا» ءتىلشىسى
«قازاقستان رەسپۋبليكاسىنىڭ اۋماعىنا تاۋىق جۇمىرتقالارىن اكەلۋگە تىيىم سالۋدى ەنگىزۋ تۋرالى» اۋىل شارۋاشىلىعى ءمينيسترىنىڭ 2025 جىلعى 5 جەلتوقسانداعى № 447 بۇيرىعىمەن قازاقستان اۋماعىنا بارلىق كولىك تۇرىمەن ءۇشىنشى ەلدەردەن جانە ەۋرازيالىق ەكونوميكالىق وداق ەلدەرىنەن تاۋىق جۇمىرتقالارىن (سەق تن: 040721) اكەلۋگە 1 اي مەرزىمگە ۋاقىتشا تىيىم سالىندى»،-دەلىنگەن حابارلامادا.
ايتا كەتۋ كەرەك، تىيىم قازاقستان اۋماعى ارقىلى تاۋىق جۇمىرتقالارىنىڭ ءترانزيتىن، سونداي-اق ولاردىڭ ەۋرازيالىق ەكونوميكالىق وداققا مۇشە ءبىر مەملەكەتتىڭ اۋماعىنان ەۋرازيالىق ەكونوميكالىق وداققا مۇشە ەكىنشى مەملەكەتتىڭ اۋماعىنا قازاقستان ارقىلى وتۋىنە قاتىستى قولدانىلمايدى.
بۇيرىق 11 جەلتوقساندا كۇشىنە ەندى.
