29 شىلدەدە "قازمۇنايگاز" ۇك اق (بۇدان ءارى - قمگ) باسقارما توراعاسى ماعزۇم مىرزاعاليەۆ ماڭعىستاۋ وبلىسىنا جۇمىس ساپارىندا "Caspi Bitum" بك جشس باردى.
ەستەرىڭىزگە سالا كەتەيىك، مەملەكەت باسشىسى قاسىم-جومارت توقاەۆ 2022 جىلعى 14 شىلدەدە وتكەن ۇكىمەتتىڭ كەڭەيتىلگەن وتىرىسىندا جول قۇرىلىسى ءۇشىن قاجەتتى ماتەريالداردىڭ جەتىسپەۋشىلىگى جاساندى جانە جول بيتۋمى سالاسىنداعى وتاندىق ءوندىرىستىڭ الەۋەتى تولىق پايدالانىلماي وتىر، - دەپ مالىمدەگەن.
«قازاقستاندا جول قۇرىلىسىنا قاجەتتى ماتەريالدىڭ ءبارى بار. بىراق، وتاندىق ءوندىرىستىڭ الەۋەتى تولىق قولدانىلمايدى. مۇنى ءتىپتى قولدان جاسالعان تاپشىلىق دەۋگە بولادى. مىسالى، ەلىمىزدە بيتۋم وندىرەتىن ءۇش زاۋىت بار. سوعان قاراماستان، 200 مىڭ توننا بيتۋم جەتىسپەيدى»، - دەپ ايتقان قر پرەزيدەنتى جولداردى ساپالى سالۋ ءۇشىن جەرگىلىكتى رەسۋرستاردى بەلسەندى پايدالانۋعا شاقىرعان.
جول بيتۋمىن ءوندىرۋ بويىنشا اقتاۋ "Caspi Bitum" زاۋىتى 2013 جىلى پايدالانۋعا بەرىلدى. مۇناي وڭدەۋدە جوبالىق جىلدىق قۋاتى ميلليون توننا.
قاراجانباس كەن ورنىنان الىناتىن ەرەكشە مۇنايدى قايتا وڭدەۋ ارقىلى تمد ەلدەرىندەگى ەڭ ۇزدىكتىڭ ءبىرى جانە جوعارى ساپالى جول بيتۋمىن وندىرۋگە مۇمكىندىك بەرەدى. وتكەن جىلى زاۋىتتا جاڭعىرتۋلار جۇرگىزىلىپ، توتىققان بيتۋم ءوندىرۋ بويىنشا قۋاتى ۇلعايدى.
زاۋىت تاسىمالداۋ جانە ساقتاۋ كەزىندە بيتۋمنىڭ جوعارى ساپاسىن ساقتايتىن بيگ-بەگتە ولشەپ ورالعان بيتۋمدى، سونداي-اق جوعارى جانە تومەن تەمپەراتۋرالارعا يكەمدىلىك پەن توزىمدىلىكتىڭ جاقسارتىلعان سيپاتتامالارىنا يە تۇرلەندىرىلگەن بيتۋم سياقتى يننوۆاتسيالىق ونىمدەردى وندىرەدى.
دايىن ءونىم شىعارۋ كولەمىنە كەلەتىن بولساق، 2021 جىلى زاۋىت 400 مىڭ توننادان استام بيتۋم شىعاردى، ال 2022 جىلدىڭ باسىنان باستاپ زاۋىتتان 240 مىڭ تونناعا جۋىق جوعارى ساپالى جول بيتۋم جونەلتىلدى.
ساپار بارىسىندا "قازمۇنايگاز" باسشىسى زاۋىت قۋاتىن 1,5 ەسەگە ارتتىرۋ پروتسەسىن جەدەلدەتۋدى جانە قىسقا مەرزىمدە بۇل ماسەلەنى جشس پەن قمگ ءتيىستى ورگاندارىنىڭ قاراۋىنا شىعارۋدى تاپسىردى.
"قازىرگى ۋاقىتتا اقتاۋ بيتۋم زاۋىتىنىڭ مۇناي وڭدەۋ كولەمىن جىلىنا 1 ميلليوننان 1,5 ميلليون تونناعا دەيىن ۇلعايتۋ مۇمكىندىگى بار. قازىردىڭ وزىندە جوبالىق-سمەتالىق قۇجاتتامانى ازىرلەۋگە كىرىستىك. بۇل جوبا كاسىپورىنداعى بيتۋم ءوندىرىسىن جىلىنا 750 مىڭ تونناعا دەيىن ارتتىرۋعا مۇمكىندىك بەرەدى", — دەپ باياندادى باس ديرەكتوردىڭ مىندەتىن اتقارۋشى اتىمتاي بالتاباەۆ.
سونداي-اق، م.مىرزاعاليەۆ ماۋسىمارالىق كەزەڭدە ولشەپ ورالعان بيتۋمدى ودان ءارى ىسكە اسىرۋدى ۇيىمداستىرۋدى تاپسىردى جانە وندىرىستىك كورسەتكىشتەردى كوتەرە وتىرىپ، وندىرىستەگى الەۋمەتتىك تۇراقتىلىققا قامقورلىق جاساۋ، ەڭبەك جاعدايلارىن جانە جۇمىسكەرلەردىڭ ءال-اۋقاتىنىڭ دەڭگەيىن جاقسارتۋ، كاسىپورىننىڭ وڭىردەگى الەۋمەتتىك ماڭىزدىلىعىن ارتتىرۋ اسا ماڭىزدى ەكەنىن اتاپ ءوتتى.
انىقتاما:
زاۋىت دۇنيەجۇزىنىڭ كەز-كەلگەن نۇكتەسىنە تاسىمالداۋ كەزىندە تۇپنۇسقالىق ساپانى ساقتاپ قالۋعا مۇمكىندىك بەرەتىن ورالعان بيتۋمداردى، اسىرەسە ۇلكەن پاكەتتەردە شىعارۋ قارقىنىن ارتتىرۋدى جالعاستىرۋدا. اقتاۋ زاۋىتىنىڭ بيتۋمى "باتىس ەۋروپا – باتىس قىتاي" تراسساسىن قوسا العاندا، ەلىمىزدىڭ بارلىق ستراتەگيالىق اۆتوجولدارىنىڭ قۇرىلىسى كەزىندە قولدانىلدى. سونداي-اق، زاۋىت ءونىم ساپاسىن، تەحنولوگيالىق سىزبالاردى ارتتىرۋ، بيزنەس-پروتسەستەردى جەتىلدىرۋ باعىتىندا ۇزدىكسىز جۇمىس ىستەۋدە.
2022 جىلدىڭ كوكتەمىندە "Caspi Bitum" بك جشس حالىقارالىق مەنەدجمەنت جۇيەسىندەگى ISO 55001:2014 ستاندارتتارىنىڭ تالاپتارىنا سايكەستىك سەرتيفيكاتى راستالدى.
