بەرىك قاماليەۆ قر يندۋستريا جانە ينفراقۇرىلىمدىق دامۋ ۆيتسە-ءمينيسترى قىزمەتىنەن بوساتىلدى، - دەپ حابارلايدى “ادىرنا” ۇلتتىق پورتادى primeminister.kz سايتىنا سىلتەمە جاساپ.
"مەملەكەت باسشىسىنىڭ باتىس قازاقستان وبلىسىنداعى اۆتوموبيل جولدارىن جوندەۋگە قاتىستى تاپسىرمالارىنىڭ ۋاقىتىندا ورىندالماعانى ءۇشىن قر ۇكىمەتىنىڭ قاۋلىسىمەن يندۋستريا جانە ينفراقۇرىلىمدىق دامۋ ۆيتسە-ءمينيسترى بەرىك قاماليەۆ قىزمەتىنەن بوساتىلدى", - دەلىنگەن حابارلامادا.ايتا كەتەيىك، بەرىك قاماليەۆ يندۋستريا جانە ينفراقۇرىلىمدىق دامۋ ۆيتسە-ءمينيسترى بولىپ 2019 جىلى ناۋرىزدا تاعايىندالعان ەدى. ول ءار جىلدارى قر پرەمەر-ءمينيسترىنىڭ كەڭەسشىسى، قر كولىك جانە كوممۋنيكاتسيا مينيسترلىگىنىڭ كولىك جانە ينفراقۇرىلىم دامۋ كوميتەتىنىڭ توراعاسى قىزمەتىندە بولعان. 2010 جىلدىڭ ءساۋىر ايىنان باستاپ 2011 جىلدىڭ ءساۋىر ايىنا دەيىن يندۋستريا جانە جاڭا تەحنولوگيالار ۆيتسە-ءمينيسترى بولدى. كەيىننەن قر كولىك جانە كوممۋنيكاتسيا ءمينيسترى بولىپ تاعايىندالدى. سونىمەن قاتار، بەرىك قاماليەۆ "قازاۆتوجول" ۇك" اق باسقارماسىنىڭ توراعاسى قىزمەتىندە بولعان.
“ادىرنا” ۇلتتىق پورتالى
ۇقساس جاڭالىقتار
