Bedeýlik tek áıel adamdarǵa qatysty másele me?
Joq, juptardaǵy bedeýliktiń sebebi áıelder men er adamnyń tarapynan shyǵýy múmkin. Kóptegen juptar bala kótere almaýshylyqtan zardap shegedi, biraq kóbisi kináni áıelderdiń moınyna júkteıdi. Alaıda, bala kótere almaıtyn juptar arasynda shamamen 35% jaǵdaılarda áıel adamnan bolatyn bedeýlik er adamnan bolatyn bedeýlikpen qosarlanady. Al 8% jaǵdaılarda bedeýlik tek er adamdar tarapynan anyqtalady. Zertteýlerge sáıkes, áıelderdiń 15 pen 44 jas aralyǵyndaǵy bedeýliktiń taralýy búkil álemde orta eseppen 6-tan 15% - ǵa deıin, al er adamdar arasynda 7-10% quraıdy.
DÁRIGERGE JÚGINÝGE DEIIN QANShA ÝAQYT ÓTÝ QAJET?
35 jasqa deıingi áıelderge - 12 aı boıy, al 35 jastan asqan áıelderge - 6 aı boıy jalǵasqan bala kóterýge tabyssyz talpynystardan keıin.
Tómende kórsetilgen sımptomdary bar juptarǵa júktilikti josparlaý kezeńinde dárigerge qaralý usynylady:
-Retsiz etekkir
-Óte qatty aýyrý sezimimen júretin etekkir
-Endometrıoz
-Kishi jambas aǵzalarynyń qabyný aýrýlary
-Buryndar birneshe ret túsiktiń bolýy
-Er adamdar tarapynan yqtımal problemalar (jaraqat, ota jasaý, hımıoterapııa, oǵan deıingi qatynastardaǵy bedeýlik).
JUPTARDYŃ BEDEÝLIKKE BEIIMDILIGIN ZERTTEÝ ShARALARY QALAI JÚRGIZILEDI?
Birinshi kezekte dáriger jalpy jáne reprodýktıvti densaýlyq jaǵdaıy týraly aqparatty jınaý úshin egjeı-tegjeıli surastyrý ótkizedi . Tekserý sharalar spermogrammany, jatyr tútikteriniń ótimdiligin jáne ovarıaldy rezervty (analyq jasýshalar qoryn) baǵalaý proedýralardan bastalady.
BEDEÝLIK QALAI EMDELEDI?
Bedeýlikti emdeý úshin dárilik preparattar, hırýrgııalyq aralasý, EKU (ekstrakorporatıvtik uryqtandyrý) nemese qosalqy reprodýktıvti tehnologııalar paıdalanylýy múmkin. Keıde bul ádister birdeı bir mezgilde paıdalanylýy múmin. Kelesi faktorlar mańyzdy ról atqarady:
-Bedeýliktiń anyqtalǵan sebebi
-Bedeýliktiń uzaqtyǵy
-Áıeldiń jasy
- Emdeý ádisine qatysty juptardyń tańdaýy (qaýip-qater deńgeıi, nátıjege jetý múmkindikteri, árbir ádistiń quny men artyqshylyǵy jan-jaqty qarastyrylǵannan keıin).
”Adyrna” ulttyq portaly
