Qyzylordalyq Kamılla Serikbaı 5 mamyrda AQSh-qa «Álem Arýy» baıqaýynyń fınalyna daıyndalýǵa barady, dep habarlaıdy "Adyrna" ulttyq portaly.
Ol birneshe aı boıy fınalǵa tyńǵylyqty daıyndaldy. Eń jarqyn sátter óz eli týraly tanystyrylym vıdeo túsirilgen alańda boldy. «Álem Arýynda» alǵash qola dáýiriniń 2 myńnan asa petroglıfi bar Tańbaly shatqaly, IýNESKO-nyń Dúnıejúzilik mura obektisi usynylatyn bolady.
«Meniń Qazaqstanym - shól men kólderden bastap, muz basqan jetimyńdyqtarǵa deıingi erekshe ári qaıtalanbas tabıǵat. Bul - taýlary Almarasan shatqaldaryndaǵydaı móldir taza sýy bar júzdegen ózen. Bul ejelgi dástúr qupııasy – búrkitpen ań aýlaý, jabaıy jyrtqyshtyń adamǵa tolyǵymen senip, oǵan oljasyn berýi.
Biraq meniń halqymdy sıpattaıtyn basty sóz - ol «qonaıjaılyq». Qazaqtardyń ózi kóshpendi halyq retinde saıahattap júrgen adamǵa as usynýdyń mańyzdy ekenin túsinedi. Sondyqtan elim týraly tanystyrylym vıdeo kadrlarynda qazaqtyń dástúrli berekeli dastarhany da kórsetiledi», - dep jazdy Kamılla Álem Arýy tanystyrylymyna.
Kamılla Serikbaı Súleıman Demırel atyndaǵy ýnıversıtettiń quqyqtaný fakýltetiniń birinshi kýrs stýdenti.
«Men tańdaýym osy mamandyqqa túskenine óte qýanyshtymyn, sebebi bolashaqta quqyq qorǵaýshy bolyp, quqyq boıynsha kómek qajet adamdarǵa qol ushyn sozǵym keledi», - deıdi ol.
Ol 2019 jyly «Qyzylorda Arýy» konkýrsynda jeńiske jetip, «Qazaqstan Arýy» baıqaýynyń fınalynda óz qalasynyń namysyn qorǵady. Birneshe tildi jetik meńgergen, onyń ishinde, túrik jáne aǵylshyn tilderi bar. 13 jasynan karatemen aınalysady, sport sheberligine úmitker, qońyr belbeý ıesi.
«Men osy baıqaýda Qazaqstannyń namysyn qorǵaý múmkindigi berilgenine óte qýanyshtymyn. Men jeńiske qol jetkizý úshin bar kúshimdi salamyn. Barsha qazaqstandyqqa qoldaý bildirgeni úshin jáne «Álem Arýy» baıqaýynyń resmı qosymshasynda daýys bergeni úshin alǵys aıtamyn», - dedi Kamılla.
Fınal kezinde Kamılla «Kýnkeı» sán úıiniń Sabına Naýrzalına usynǵan ulttyq kıimin usynady. Odan bólek, keshki kórsetilim kezinde ol Sherri Hill gollıvýdtyq brendiniń kóılegimen shyǵady.
Byltyr koronavırýs pandemııasyna baılanysty keıinge qalǵan «Álem Arýy» baıqaýy bıyl «tiri» formatta 16 mamyrda Florıda shtatynyń Hollıvýd qalasynda ótedi.
Konkýrs uıymdastyrýshylary fınalda qaýipsizdik sharasyn saqtaýǵa arnalǵan sharalardy birneshe aı boıy júrgizdi. COVID-19 taraýyn boldyrmaý úshin dúnıe júzinen kelgen qatysýshylar mindetti túrde karantınge jatqyzylyp, birneshe ret, onyń ishinde, shoý bastalar aldynda test tapsyrady, maska taǵý jáne áleýmettik qashyqtyq rejımi saqtalady.
"Adyrna" ulttyq portaly
