«Azııa halyqtarynyń ertegileri» ıklynan
Taı ertegisi
Aýlaqtaǵy bir monastyr aýlasynda bıik aǵash ósip turdy. Ondaǵy jemis jetilip-pisip, keıbiri shirýge aınalǵanyna qaramastan ǵıbadathana basshysy eshkimge úzip jeýge ruqsat etpedi. Ol –toıymsyz ári ózimshil-tuǵyn. Sóıtip, eki sharýa eptilik tanytyp, sol sarań sopyny aldap soǵyp,shyryndy máýeni jıyp alýdy kózdedi. Bireýi soǵan kep, birneshe mıýany terip almaq nıette ekendigin aıtady.
– Joq, – dep qatqyldaý jaýap qatty, sopy. – Ózime kerek.
– Siz meni durys túsinbedińiz, myrzam, – dedi sharýa shattanyp. – Buǵy etinen daıyndalǵan *kengasynan dám aýyz tıip shyqsyn dep shaqyrǵalykelgem, negizi. Al, jemis tuzdyq úshin qajet.
– Erterek aıtpaımysyń, bu týraly! – dedi qýanyshy qoınyna syımaǵan, monastyr basshysy. – Qalaýyńsha al.
Qapty toltyrǵan dıqan keshqurym keletindigin eskertedi. Artynsha-aq ǵıbadathanaǵa ekinshi sharýaenip, birsypyra jemis almaq oıda ekendiginjetkizedi. Sarań sopy ruqsat bermegen soń, ol onykeshke taýyq etinen jasalǵan kengten aýyz tııýge shaqyrady. Rıza bolǵan basshy qalaǵanynsha terýin buıyrady. Ol da ońtaıly sátti jibermes, sebetti toltyrǵan soń ketip qalady. Kesh batqanda qos sharýager sopyny qonaqqa shaqyrady. Ol ǵıbadathanadan shyǵyp, aýylǵa aparap soqpaqpen artyna ilesip otyrady. Torapqa kelgende bir sharýakesh:
– Áýeli, meniń úıime júrińiz, myrzam. Ol joldyń oń jaǵynda ornalasqan, – dedi.
– Joq, – dedi ekinshisi. Aldymen, menikine soǵyńyz. Otbasym dastarqan basyna jaıǵasty.
Eki dıqan eregiskensip, onyń qolynan ustap, ár tarapqa tarta bastaıdy. Sharýagerler shatynaı daýlasyp, toıymsyz monahty silkileı beredi, silkileı beredi, sonda ol jalyna-jalbaryna búı deıdi:
– Jaıyma qaldyryńdarshy! Buǵydan ázirlengen kengke de, taýyqtan jasalǵan kengke de tábetim shappaı turǵany. Jiberińdershi, ótinem!
Qos dıqan aýylǵa oralǵan soń sarań sopynyábden ajýa qyp, raqattana kúledi. Sóıtse, keng turmaq, saıtan da joq eken.
*Keng – taı eliniń ulttyq taǵamy. Ony kúrishten, usaqtap týralǵan et, qus ıa balyqtanázirleıdi, ishine dámdeýish, kók qosady.
Aýdarǵan: Qazaqstan Jazýshylar odaǵynyń
múshesi, jazýshy-dramatýrg,
ádebıettanýshy, synshy Álibek BAIBOL.
Ertegi aýdarmashynyń usynýymen jarııalandy.
Kóshirip basýǵa bolmaıdy!
