Jetısu oblysynda «Taza Qazaqstan» respublikalyq ekologiialyq aksiiasy aiasynda jyl boiy jüzege asyrylǧan ekologiialyq bastamalardyŋ qorytyndysyn şyǧaruǧa arnalǧan «ECOFINAL 2025: 100 tazalyq qadamy» atty qorytyndy ıs-şara öttı.
Qorşaǧan ortany qorǧau, tazalyq mädenietın qalyptastyru jäne qoǧamnyŋ ekologiialyq jauapkerşılıgın arttyru – tūraqty damudyŋ maŋyzdy baǧyttarynyŋ bırı. Osy maqsatta ūiymdastyrylǧan ıs-şara «Taza Qazaqstan» aksiiasy aiasynda bır jyl boiy atqarylǧan jūmystardy saralap, ekologiialyq bastamalardyŋ nätijesın köpşılıkke ūsynuǧa baǧyttaldy. Sonymen qatar ekologiialyq volonterlıktı damytu, üzdık täjıribelerdı qoldau jäne tūrǧyndardy tabiǧatty aialauǧa belsendı türde tartu közdeldı.
Atalǧan bastamanyŋ basty erekşelıgı – onyŋ Jetısu oblysynyŋ barlyq audan men qalalarynda keŋ kölemde jüzege asyryluy. 3-25 jeltoqsan aralyǧynda oblys aumaǧynda «100 tazalyq qadamy» atty köpkündık ekologiialyq aksiia ötkızılıp, barlyq audan men qalalarda 100 ekologiialyq senbılık ūiymdastyryldy. Būl şaralar tūrǧyndar arasynda ekologiialyq mädeniettı qalyptastyruǧa, ortaq jauapkerşılık pen bırlık ruhyn nyǧaituǧa yqpal ettı.
«Qosyl» jobasy aiasynda üzdık dep tanylǧan Eskeldı, Sarqan jäne Aqsu audandary marapattaldy. Atalǧan marapattardy «Tamşybūlaq» qoǧamdyq bırlestıgınıŋ basşysy Tulemisova Janat Erhanqyzy tabystady. Sonymen qatar audandyq jastar resurstyq ortalyqtarynyŋ jetekşılerıne alǧys hattar berıldı. Al joǧary oqu oryndary men kolledjder, sondai-aq belsendı volonterler «Jetisu jastary» KMM direktory Vankeev Şamil Düisenǧazyūlynyŋ atynan marapattaldy. Būl - jastardyŋ ekologiialyq bastamalarǧa qosqan ülesıne berılgen joǧary baǧa boldy.
Saltanatty jiyn aiasynda jauapty sala ökılderı qūttyqtau söz söilep, qatysuşylarǧa konserttık baǧdarlama ūsynyldy. Qorytyndy ıs-şara ekologiialyq mädeniettı keŋınen nasihattauǧa, jastardyŋ azamattyq belsendılıgın arttyruǧa jäne qorşaǧan ortaǧa degen jauapkerşılıktı küşeituge baǧyttalǧan maŋyzdy dialog alaŋyna ainaldy.
Atalǧan ıs-şaraǧa volonterlık ūiymdardyŋ jetekşılerı men belsendı volonterler, audandyq jäne qalalyq jastar resurstyq ortalyqtarynyŋ ökılderı, joǧary oqu oryndary men kolledj studentterı qatysty.
Jetısu universitetınıŋ studentı Jetpısbai Aiaru Alybiqyzynyŋ aituynşa: «ECOFINAL 2025» sekıldı bastamalar jastardyŋ ekologiialyq jauapkerşılıgın arttyruda maŋyzdy röl atqarady. Volonterlık arqyly bız tek aumaqty tazalap qana qoimai, qoǧamǧa tabiǧatty aialaudyŋ maŋyzyn ülgı arqyly körsetemız. «Taza Qazaqstan» aksiiasy jastardy bır maqsatqa bırıktırıp, ortaq jauapkerşılık sezımın qalyptastyrdy. Osyndai jüielı ekologiialyq jobalar aldaǧy uaqytta da jalǧasyn tabuy tiıs».
