Şyǧys Qazaqstan oblysynyŋ äkımınıŋ aituynşa, ekologiialyq mäselenı şeşu üşın arnaiy baǧdarlama äzırlengen, dep habarlaidy QazAqparat tılşısı.
«Bızdıŋ problemalarymyzdyŋ bırqatary – eskı tehnologiialarǧa bailanysty. Eşkımdı qorǧap otyrǧan joqpyn. Şynymdy aitaiyn: rasynda da, bızdıŋ zauyttardaǧy tehnologiialyq prosesster üzdık bolǧan joq. Sol sebeptı, olardyŋ saldaryn körıp otyrmyz. Ekınşıden, ol tehnologiialardy özgertuge bola ma? Äbden bolady. Ol mäselemen ainalysyp jatyrmyz. Qasym-Jomart Kemelūlynyŋ (Toqaev - avt) tapsyrmasymen arnaiy baǧdarlama äzırlendı. Ol qazırgı uaqytta Ekologiia, geologiia jäne tabiǧi resurstar ministrlıgınıŋ qarauynda jatyr», - dedı Danial Ahmetov OKQ-da ötken baspasöz mäslihatynda.
Aimaq basşysynyŋ aituyna qaraǧanda, soŋǧy 5 jylda ekologiialyq prosesterdı damytuǧa 27 mlrd teŋge audarylǧan.
«Onyŋ 12 mlrd teŋgesın Qazmyryş, 4,1 mlrd teŋgesın Kömır-elektr stansalary berıp otyr. Nege qol jetkızdık? Soŋǧy 5 jylda auaǧa şyǧarylatyn qaldyq körsetkışın azaittyq. Men joǧaryda ataǧan baǧdarlama teŋdessız sanalady. Äzırge alǧa şyǧyp, ol turaly keŋırek aitpai tūra tūraiyn. Ministrlıktıŋ saraptamasy kelgennen keiın tolyqqandy jauabyn beremın», - dedı ol.
«Adyrna» portaly
Ūqsas jaŋalyqtar
