Bügın Qyzylorda qalasyndaǧy «Qorqyt ata» memorialdy alleiasynda «Jasyl el» jastar eŋbek jasaqtarynyŋ kezektı eŋbek mausymynyŋ saltanatty aşylu räsımı öttı.
Aşylu saltanatyna oblystyq qoǧamdyq damu basqarmasynyŋ basşysy Ruslan Kaiupov, jastar ūiymdarynyŋ ökılderı, erıktıler, eŋbek jasaqtarynyŋ sarbazdary jäne belsendı jastar qatysty.
Saltanatty jiynda basqarma basşysy jastardy jaŋa eŋbek mausymynyŋ bastaluymen qūttyqtap, «Jasyl el» jobasynyŋ qoǧamdaǧy maŋyzy men tärbielık mänıne erekşe toqtaldy.
Sonymen qatar, qorşaǧan ortany qorǧau, tuǧan jerdı taza ūstau jäne ekologiialyq mädeniettı qalyptastyru baǧytynda jastarmen tūşymdy oi-pıkırlerımen bölıstı.
«Jasyl el» – būl tek mausymdyq jūmys nemese uaqytşa eŋbek alaŋy ǧana emes. Būl – jastardyŋ tuǧan jerge degen süiıspenşılıgın arttyryp, eŋbekqorlyq pen jauapkerşılık qasietterın qalyptastyratyn maŋyzdy qoǧamdyq bastama.
Memleket basşysy Qasym-Jomart Kemelūly Toqaev «Tazalyq – örkeniettı qoǧamnyŋ ainasy, damuǧa ūmtylǧan kez kelgen eldıŋ myzǧymas ūstanymy. Aq peiılmen, tüzu nietpen qolǧa alǧan ärbır ıs berekelı bolady» dep atap ötken bolatyn.
Bügınde «Jasyl el» sarbazdary qajettı arnaiy kiımdermen, qūral-jabdyqtarmen jäne eŋbekke qajettı barlyq jabdyqtarmen tolyq qamtamasyz etılude.
Būl – jastardyŋ qauıpsız ärı nätijelı eŋbek etuıne jasalǧan naqty qoldau. Sızderdı tuǧan jerımızdıŋ güldenuı jolynda aianbai eŋbek etuge, tabiǧatty aialauǧa, qorşaǧan ortaǧa janaşyrlyqpen qarauǧa jäne qoǧamdyq tazalyq mädenietın qalyptastyruǧa şaqyramyn», – dedı Ruslan Mūhamedälıūly.
Şara barysynda jastarǧa arnaiy eŋbek qūraldary men qajettı jabdyqtar tabystaldy.
Sonymen qatar, eŋbek jasaqtarynyŋ müşelerı «Qorqyt ata» memorialdy alleiasy aumaǧynda tazalyq jūmystaryn jürgızıp, abattandyru ısıne belsendı atsalysty.
Sondai-aq, «Taza Qazaqstan» jalpyūlttyq ekologiialyq baǧdarlamasyna belsendı qatysyp jürgen bırqatar jastar oblys äkımınıŋ arnaiy «Alǧys hattarymen» marapattaldy.
Aita ketu qajet, «Jasyl el» jobasy jastardy mausymdyq jūmyspen qamtyp qana qoimai, olardy eŋbekke baulu, tuǧan jerge janaşyrlyqpen qarau jäne ekologiialyq mädeniettı qalyptastyru baǧytynda maŋyzdy röl atqaryp keledı.
Bügınde būl bastama jastardyŋ qoǧamdyq belsendılıgın arttyryp, el damuyna öz ülesın qosatyn maŋyzdy äleumettık jobaǧa ainaldy.
