1992 jyly Qazaqstan Respublikasynyŋ memlekettık rämızderın äzırleu üşın arnaiy jūmys toby qūrylyp, şyǧarmaşylyq komissiia jasaqtalǧan. El täuelsızdıgınıŋ aiǧaǧy bolatyn Tu, Eltaŋba jäne Änūran jobalaryn daiyndauǧa jalpyrespublikalyq konkurs jariialanǧan.
Konkursqa 600-den astam adam qatysyp, ärbırı bırneşe nūsqasyn ūsyndy. Mäselen, memlekettık Tu boiynşa 1200-ge juyq eskiz ūsynyldy. Nätijesınde, suretşı Şäken Niiazbekovtıŋ nūsqasy taŋdalyp, qazırgı Tu resmi türde bekıtıldı.
Eltaŋba boiynşa ötkızılgen baiqauǧa 245 suret jobasy men 67 keskındemelık jūmys ūsynylǧan. Baiqau komissiiasy üzdık joba retınde Jandarbek Mälıbekov pen Şota Uälihanovtyŋ avtorlyq eskizın taŋdady. Olardyŋ ūsynǧan eltaŋba jobasy ūlttyq naqyşty, tarihi tereŋdıktı jäne zamanaui memlekettıŋ bolmysyn qatar ūştastyra bıldı. Būl uaqytta Jandarbek Mälıbekov 50 jasta edı. Ol Özbekstandaǧy Samarqand qalasynda bas säuletşı bolyp qyzmet etken.
1943 jyly däl osy künı Qazaq KSR-nıŋ alǧaşqy memlekettık änūranyn jazuǧa baiqau jariialanǧan. Änūran sözı boiynşa ötkızılgen baiqauda Qaiym Mūhamedhanovtyŋ mätını taŋdap alynǧan. 27 jastaǧy jıgıttıŋ jazǧan änūrany «Er qazaq ejelden erkındık aŋsaǧan» - «Geroicheskii kazahskii narod izdrevle mechtal o svobode» dep bastalady. Būl mätınge 30 jastaǧy kompozitor Mūqan Tölebaev än jazǧan.
