«Ortalyq Aziia - Europa Odaǧy» sammitıne qatysqan Qazaqstan Prezidentı Qasym-Jomart Toqaev Ukrainaǧa qatysty kelıssöz jaily pıkırın bıldırdı. Būl turaly Aqorda jazdy, dep habarlaidy “Adyrna” ūlttyq portaly.
“Qazaqstan teŋgerımdı syrtqy saiasatty berık ūstanady jäne barlyq müddelı memleketpen, negızgı halyqaralyq qūrylymdarmen, sonyŋ ışınde Europa Odaǧymen yntymaqtastyqty keŋeituge niettı. Menıŋ oiymşa, jahandyq tūraqsyzdyq şielenıse tüsken kezeŋde älemdegı kürdelı oqiǧalarǧa baǧa berude barynşa baiyptylyq tanytyp, jauapkerşılıkpen qaraǧan jön. Konstruktivtı dialog jürgızıp, beibıt jolmen damuǧa ūmtylu maŋyzdy”, - dep toqtaldy Prezident.
Sondai-aq ol älem elderın BŪŪ Jarǧysy men jalpyǧa ortaq halyqaralyq qūqyq qaǧidalaryn mültıksız saqtau üşın barynşa küş-jıger jūmyldyruǧa, sondai-aq
«Qazaqstan kez kelgen qaqtyǧystyŋ beibıt jolmen şeşıluın jaqtaidy. Sondyqtan Ukrainaǧa qatysty kelıssözderdıŋ bastaluyn qūptaimyz. Mäselenıŋ kürdelı ekenın tüsınemız. Degenmen şielenıs oŋ şeşımın tabady dep ümıttenemız», - dedı Qasym-Jomart Toqaev.
Aita keteiık, Özbekstannyŋ Samarqand qalasynda «Ortalyq Aziia - Europa Odaǧy» formatyndaǧy alǧaşqy sammitı öttı.
Keşe Prezident Qasym-Jomart Toqaev Özbekstanǧa jūmys saparymen bardy. Onyŋ barysynda Memleket basşysy Europalyq keŋes prezidentı Antoniu Koşta, Europalyq komissiia prezidentı Ursula fon der Liaien, Europalyq qaita qūru jäne damu bankınıŋ prezidentı Odil Reno-Bassomen ekıjaqty kezdesuler ötkızdı.