Abaı aýdanynda «Taza Qazaqstan» jalpyulttyq akııasy jalǵasýda. Jastar qorshaǵan ortanyń tazalyǵyna ǵana emes, kómekke muqtajdarǵa da nazar aýdarady.
Abaı qalasynyń Volnyı kentinde janýarlarǵa arnalǵan baspana bar. Ony jergilikti turǵyndar uıymdastyrǵan. Baspanany kútip ustaýǵa qyzdardyń óz qarajaty jáne demeýshilerdiń turaqty emes kómegi septigin tıgizedi.
Baspanasyz janýarlar týraly bilgen soń, AbayTeam eriktileri kómekke keldi. Olar «Jaqsylyq jolyndaǵy tazalyq» akııasyn ótkizip, qaıta óńdeýge ótkiziletin qaıtalama shıkizatty jınaýdy uıymdastyryp, túsken qarajatqa janýarlarǵa azyq satyp alady.
Eriktiler korpýsynyń belsendisi Erjan Rahmetov mundaı akııa, onyń pikirinshe, úsh ese nátıje beretinin aıtady. Birinshiden, qaıtalama shıkizatty ótkizetin adamdar qorshaǵan ortany taza etedi, óıtkeni qoraptar, gazetter, plastık – bul qoqys. Ekinshiden, qaǵaz óńdeý jasyl jelekterdiń ómirin saqtap qalady, bul ekologııany saqtaýǵa septigin tıgizedi. Úshinshiden, ásirese jyldyń sýyq mezgilinde oǵan óte muqtaj janýarlarǵa kómek kórsetý.
Akııaǵa oqýshylar belsendi qatysýda. Bul balalardy meıirimdilikke tárbıeleýge yqpal etedi, sondaı-aq ekologııalyq mádenıetke úıretedi.
