«Taza Qazaqstan» jalpyulttyq ekologııalyq akııasy aıasynda Ulytaý oblysynda aýqymdy sharalar uıymdastyryldy. Bul kúni oblystyń barlyq qala, aýdandarynda tazalyq akııalary ótti. Bul týraly Ulytaý oblysy ákimdigi málimdedi, dep habarlaıdy “Adyrna” ulttyq portaly.
Aýqymdy akııanyń basty maqsaty – aýmaqtardy tazalaýmen qatar, turǵyndardyń qorshaǵan ortaǵa uqypty qaraý qajettiligine nazar aýdartý. Tazalyq sharalaryna qatysýshylardyń barlyǵy joǵary belsendilik kórsetti. «Jasyl el» eńbek jasaqtary da osy kúni belsendiligimen erekshelendi. Ekologııalyq is-sharalarǵa qatysýshylar arasynda jergilikti bılik, qoǵamdyq uıymdar, stýdentter, belsendiler jáne qarapaıym turǵyndar bar. Akııaǵa barlyǵy 245 ujymnan 2000-nan astam adam men 68 arnaıy tehnıka jumyldyryldy. Barlyǵy 70 tonnadan astam qoqys shyǵaryldy.
Oblys boıynsha barlyǵy 483 aýla, 24 saıabaq pen skver, 61 tarıhı-mádenı eskertkish aýmaǵy tazartylyp, 138 áleýmettik nysan aýmaǵy qamtyldy.
Jezqazǵan qalasynda qala turǵyndary men eńbek ujymdary negizgi kósheler men saıabaq, skverlerdi tazartty. Jasyl jelekterge kútim jasalyp, gúlzarlar retke keltirildi.
Al, Sátbaev qalasynyń eńbek ujymdary óndiristik mekemelerdiń aýmaǵyn tazalap, syrlaý, ákteý jumystaryn atqardy.
«Qalamyzda taza beısenbilik, senbilik ótkizý dástúri burynnan bar. Sondyqtan da, «Taza Qazaqstan» akııasy bastalǵaly qala turǵyndary oǵan belsendi qatysýda. Búgin de barlyq eńbek ujymdary, qala halqy bastamamyzǵa qoldaý bildirip jatyr», - deıdi “Jastar bolashaq” jastar qozǵalysynyń tóraǵasy Lýıza Mınbaeva
Qarajal qalasynyń turǵyndary da óz aýlalaryn tazalap, ruqsat etilmegen oryndarǵa tógilgen qoqystardy arnaıy polıgonǵa shyǵardy.
Oblystyń Jańaarqa, Ulytaý aýdandarynda tazalyq akııasy bulaqtar aınalasy men ózen jaǵasynda ótti. Máselen, Ulytaý aýdanynyń turǵyndary «Kúmisbulaq», «Tasbulaq» bulaqtarynyń aınalasyn tazartyp, bulaq basyna kelýshilerge qolaıly jaǵdaı týǵyzý maqsatynda abattandyrý jumystaryn júrgizdi. Jańaarqalyqtar Sarysý ózeniniń boıyn qoqystan tazalap, jaǵajaılardy retke keltirdi.
Sondaı-aq qalalardaǵy kópqabatty úılerdiń turǵyndary da aýlalaryn jınap, retke keltirdi. Tazalyq akııasyna páter ıeleri kooperatıvteri jetekshilik jasady.
Tazalyq akııalary aıasynda oblystyń qala men aýdandaryndaǵy ákimdikterdiń jaýapty mamandary jergilikti aýmaqtardaǵy kóshelerdi aralap sanıtarlyq tazalyqty tekserdi. Sanıtarlyq tazalyqty saqtamaǵan, abattandyrý erejesine sáıkes kelmeıtin nysandardyń ıelerimen tildesip, kemshilikterdi qysqa merzimde túzeý qajettigin aıtyp, eskertý jasady. Ǵımarattar aldyn tazalaý, aýmaqty abattandyrý sııaqty jumystar júrgizý tapsyryldy. Sonymen qatar, kommýnaldyq mekemeler basshylaryna qala-aýdan kóshelerin, jaıaý júrginshi joldary men aıaldama aýmaqtaryn tazartý jáne qoqystan aryltý jóninde naqty tapsyrmalar júkteldi.
