Bakýden Groznyıǵa ushyp bara jatqan Ázerbaıjannyń AZAL jolaýshylar ushaǵyn reseılik áýe shabýylyna qarsy qorǵanys júıeleri atyp túsirgeni jalǵasyp jatqan qarýly qaqtyǵystyń azamattyq avıaııaǵa erekshe qaterli ekenin kórsetedi.
Bul týraly Report-qa Mıýnhen qaýipsizdik konferenııasynda zertteýshi Nıko Lange málimdedi, dep habarlaıdy “Adyrna” ulttyq portaly.
«Bul jaı ǵana avıaııalyq qaýipsizdik oqıǵasy emes, bul reseılik áýe qorǵanys júıesi azamattyq ushaǵyn atyp túsirgen oqıǵa. Mundaǵy basty másele - Reseıdiń Ýkraınaǵa qarsy agressıvti soǵysy», - dedi ol.
Onyń aıtýynsha, bolashaqta mundaı qaıǵyly oqıǵalardyń aldyn alý úshin jalǵyz jol - aımaqta turaqty beıbitshilik ornatý.
«Ókinishke qaraı, Eýropa elderi bul qaqtyǵysty sheshýde jetkilikti áreket etpeı otyr. Prezıdent Tramptyń yqtımal bastamalary aıtarlyqtaı nátıjelerge ákeletinine de kúmánim bar. Avıaııalyq qaýipsizdik turǵysynan alǵanda, negizgi habarlama azamattyq ushaqtardyń áskerı maqsatta qatelesý qaýpin joıý úshin soǵysty toqtatý kerek.
Drondar, zymyrandar men jolaýshylar ushaqtary arasyndaǵy shatasý - qaqtyǵystyń jalǵasýynyń tikeleı saldary. Bul jaǵdaı sheshilmeıinshe, azamattyq avıaııaǵa qaýip-qater saqtalady», - dep qorytyndylady N. Lange.
Aqpan aıynyń basynda apatqa qatysty aldyn ala tergeý esebi jarııalandy. Qujat boıynsha ushaqtyń fıýzelıajynda syrtqy áserden bolǵan zaqymdar anyqtalǵan.
Esepte qus soǵylý nemese ottegi ballonynyń jarylýy týraly málimetter joq. 05:13:32-de ushaqtyń negizgi basqarý júıeleri isten shyqqany, tek 05:21:42-de Groznyıdaǵy dıspetcherdiń «Kover» operaııasyn bastaǵany týraly habarlaǵany kórsetilgen.
Eske sala keteıik, 2024 jyldyń 25 jeltoqsanynda Baký-Groznyı reısin oryndaǵan «Ázerbaıjan áýe joldarynyń» jolaýshylar ushaǵy Aqtaý qalasyna jaqyn jerde apatqa ushyraǵan. Ushaqta 67 adam bolǵan, onyń 38-i qaza taýyp, 29 adam aman qalǵan.
Aldyn ala málimetter boıynsha, apattyń sebebi Reseıdiń áýe keńistigindegi Groznyı mańynda syrtqy fızıkalyq jáne tehnıkalyq áserden bolǵan.
