Ázerbaıjannyń SIM Reseı memlekettik dýmasynyń depýtatyna elge kirge tyıym salynǵanyn málimdedi, dep habarlaıdy "Adyrna" ulttyq portaly TASS-qa siltep.
Reseılik depýtat Nıkolaı Valýev Ázerbaıjanǵa kire almaıdy.
"Reseı Memlekettik Dýmasynyń týrızm jónindegi komıteti tóraǵasynyń birinshi orynbasary Nıkolaı Valýevtiń Ázerbaıjan men ázerbaıjan halqyna baǵyttalǵan qorlaıtyn málimdemeleri múldem orynsyz. Osy depýtattyń bizdiń elimizge qarsy aıtqan sózderine baılanysty onyń esimi Ázerbaıjan Respýblıkasyna kirýge tyıym salynǵan adamdar tizimine engizildi", – dedi Ázerbaıjan syrtqy ister mınıstrliginiń baspasóz hatshysy Aıhan Gadjızade.
Sondaı-aq, resmı ókil Reseı memlekettik dýmasy depýtattarynyń Ázerbaıjanda non-grata tizimine engizilýi alǵashqy jaǵdaı emes ekenin de atap ótken.
