Әзербайжанның СІМ Ресей мемлекеттік думасының депутатына елге кірге тыйым салынғанын мәлімдеді, деп хабарлайды "Адырна" ұлттық порталы ТАСС-қа сілтеп.
Ресейлік депутат Николай Валуев Әзербайжанға кіре алмайды.
"Ресей Мемлекеттік Думасының туризм жөніндегі комитеті төрағасының бірінші орынбасары Николай Валуевтің Әзербайжан мен әзербайжан халқына бағытталған қорлайтын мәлімдемелері мүлдем орынсыз. Осы депутаттың біздің елімізге қарсы айтқан сөздеріне байланысты оның есімі Әзербайжан Республикасына кіруге тыйым салынған адамдар тізіміне енгізілді", – деді Әзербайжан сыртқы істер министрлігінің баспасөз хатшысы Айхан Гаджизаде.
Сондай-ақ, ресми өкіл Ресей мемлекеттік думасы депутаттарының Әзербайжанда нон-грата тізіміне енгізілуі алғашқы жағдай емес екенін де атап өткен.
