NATO bas hatşysy Europany soǧysqa daiyndaluǧa şaqyrdy

NATO-nyŋ bas hatşysy Mark Riutte Europa elderın qorǧanysqa jūmsalatyn şyǧyndardy arttyruǧa jäne soǧysqa daiyndaluǧa şaqyrdy, dep habarlaidy "Adyrna" ūlttyq portaly. Ol būl mälımdemenı Bild gazetıne bergen sūhbatynda aitqan. Riutte Berlindı äskeri önerkäsıp pen qorǧanys salasyna köbırek qarajat jūmsauǧa jäne öndırıstı arttyruǧa ündedı. Onyŋ aituynşa, būl mäsele aldaǧy ailarda köptegen europalyq elderde qyzu talqylanatyn bolady. "Men sızderge aşyq aitaiyn, bız soǧysqa daiyndaluymyz kerek. Būl – soǧystyŋ aldyn aludyŋ eŋ tiımdı joly," – dedı Riutte. Būǧan deiın amerikalyq telejürgızuşı Taker Karlson NATO-nyŋ qazırgı uaqytta öz maŋyzdylyǧyn joǧaltqanyn mälımdegen edı. Ol būl äskeri alianstyŋ bastapqyda KSRO-ny tejeu üşın qūrylǧanyn, alaida sodan berı 35 jyl ötkenın atap öttı. Sonymen qatar, Karlson NATO-nyŋ basty maqsaty beibıtşılıktı saqtau bolǧanymen, qazır Europada soŋǧy 80 jyldaǧy eŋ ırı soǧys jürıp jatqanyn aityp, alianstyŋ tiımdılıgıne kümän keltırdı.