Qorǧanys ministrınıŋ orynbasary Qanyş Äubäkırov Mäjılıs kuluarynda äskerdegı qauıpsızdıktı küşeitu baǧytynda qandai jūmystar jürgızılıp jatqanyn mälımdedı, dep habarlaidy «Adyrna» tılşısı.
Aituynşa, qazırgı taŋda kazarmalarǧa beinekameralar ornatylyp jatyr.
«Soŋǧy uaqytta bolǧan qūqyqbūzuşylyqtarǧa bailanysty ülken jūmys jürgızıp jatyrmyz. Sonyŋ bırı – kazarmalardy tolyq beinebaqylaumen qamtu. Qazır būl şara barlyq jerde jüzege asyryluda. Būdan bölek, psihologtarmen jūmys küşeitıldı», – dedı vise-ministr.
Äubäkırov äskerden qorqudyŋ qajetı joq ekenın atap öttı.
«Köpşılıkke äsker qorqynyşty bolyp körınedı, jastar özderınıŋ jaily jerınen şyqqysy kelmeidı. Bıraq men köptegen mysal keltıre alamyn. Jas jıgıt äskerge alǧaşynda qorqyp keledı, keiın üirenıp, tıptı ary qarai qyzmetın jalǧastyrady, äskeri oqu oryndaryna tüsıp, ofiser atanyp jatady. Osyndai jaqsy mysaldar öte köp», – dedı ol.
