Qańtar oqıǵasyna baılanysty 20 jylǵa sottalǵan qylmys áleminiń serkesi Arman Jumageldıev («Dıkıı Arman») ózine qol jumsamaq boldy, dep habarlaıdy "Adyrna" ulttyq portaly.
Bul týraly QR Ishki ister mınıstrliginiń baspasóz qyzmeti habarlady.
Qylmystyq-atqarý júıesi komıtetiniń málimetinshe, sottalǵan azamat ózine azdaǵan jaraqat keltirgen. Oǵan shuǵyl medıınalyq kómek kórsetilip, qazirgi tańda densaýlyq jaǵdaıy qanaǵattanarlyq dep baǵalanýda. Sonymen qatar, Jumageldıev erekshe baqylaýǵa alynǵan, onymen mekeme psıhologtary jumys júrgizýde.
Osy oqıǵaǵa baılanysty qyzmettik tekserý taǵaıyndalǵan.
Eske sala ketsek, 2022 jyly qańtar oqıǵasy kezinde Almatyda Arman Jumageldıev ustalyp, oǵan birneshe aýyr qylmys boıynsha aıyp taǵylǵan bolatyn. QR Bas prokýratýrasynyń málimetinshe, «Dıkıı Arman» toby 24 beıbit turǵyndy urlap, zańsyz bas bostandyǵynan aıyrǵan.
2023 jyldyń qyrkúıek aıynda Almaty mańyndaǵy № 72 túzeý mekemesiniń tergeý ızolıatorynda oǵan jáne máslıhattyń eks-depýtaty Qaırat Qudaıbergenge qatysty sot proesi bastaldy. Arman Jumageldıev jetekshilik etken uıymdasqan qylmystyq toptyń 15 múshesi ustaldy.
2025 jyldyń 27 qańtarynda sot úkimi shyǵyp, «Dıkıı Arman» 20 jylǵa bas bostandyǵynan aıyryldy.
