Qazaqstan musylmandary Dinı basqarmasy (QMDB) kıberbýllıng pen qorlaýdyń kez kelgen túrine sharıǵat turǵysynan qatań tyıym salynatynyn málimdep, arnaıy pátýa shyǵardy, dep habarlaıdy "Adyrna" ulttyq portaly.
QMDB habarlamasynda áleýmettik jelide nemese uıaly telefon arqyly jalǵan aqparat taratý, balaǵattaý, qorlaý, tipti kıberbýllıngke qatysyp, «laık» basý sııaqty áreketter kúná is retinde baǵalanatyny aıtylǵan.
«Kıberbýllıngke jáne býllıngtiń kez kelgen túrine sharıǵat turǵysynan qatań tyıym salynady. Áleýmettik jeli, uıaly telefon arqyly jalǵan aqparat taratý, ony bólisý, sondaı-aq bireýdi balaǵattap, qorlap jazba qaldyrý jáne oǵan ortaqtasyp «laık» basý – kúná is.Bireýdiń jeke jazbalaryn, sýretterin, beınejazbalaryn shyǵaramyn dep qorqytý, bireýdiń dinin ne mádenıetin kemsitý jáne t.b. kıberbýllıngtiń túrlerine tyıym salynady», – delingen QMDB habarlamasynda.
QMDB ókilderi mundaı áreketterdiń adamdardyń ar-namysyna zııan keltirip, qoǵamda alaýyzdyq týdyrýy múmkin ekenin eskerip, árbir musylmandy jaýapkershilikke shaqyrdy.
«Qorlaý, jalǵan aqparat taratý, adamdy kemsitý – Islam dininde aýyr kúná. Árbir adam ózgege qurmetpen qarap, ádildik pen izgilikke umtylýy tıis», – delingen málimdemede.
