Muhtar Áblıazovtyń taǵy bir "sybaılasy" delingen adam Qazaqstanǵa óz erkimen oraldy, dep habarlaıdy "Adyrna" ulttyq portaly.
Antıkordyń málimetinshe, 15 mamyr kúni Interpol kómegimen Áblıazovtyń sybaılasy sanalǵan Alekseı Bogdanov Belgııanyń Brıýssel qalasynan Almatyǵa keldi. Quzyrly organnyń málimetinshe Bogdanov kinásin tolyq moıyndap, óz erkimen elge oralǵan soń oǵan qatysty buryn saılanǵan qamaýda ustaý túrindegi bultartpaý sharasy kepilge ózgergeni belgili boldy.
«Sybaılas jemqorlyqqa qarsy qyzmettiń basshylyǵymen vedomstvoaralyq jedel-tergeý toby «BTA Banki» AQ burynǵy top-menedjmentine qatysty uıymdasqan qylmystyq topquramynda jasalǵan aqshany, onyń ishinde shetelde jymqyrý jáne jylystatý faktileri boıynsha qylmystyq isti odan ári tergep jatyr. Qylmystyq is boıynsha 2009 jyldan beri izdeýde júrgen M.Áblıazovtyń taǵy bir sybaılasy - Alekseı Bogdanov Qazaqstanǵa óz erkimen qaıtaryldy», - dep habarlady Antıkor.
BAQ-taǵy aqparat boıynsha, Alekseı Bogdanov «Metropolitan Manageres Corp» (BVI) offshorlyq kompanııasynyń nomınaldy ókili, «Belovod krahmal kombınaty» JAQ Basqarma Tóraǵasy jáne «Maıs Agro» JShS mamany retinde banktiń 300 mln teńgeden astam somaǵa aqsha qarajatyn jymqyrǵan. Ol 2009 jyldan beri izdeýde júrgen bolatyn.
