Qyrǵyzstandyq belgili ánshi Qaırat Prımberdıev ózine qatysty qoǵamda týyndaǵan daý-damaıǵa túsinikteme berdi. Bul týraly Instagram paraqshasyna vıdeo jarııalady, dep habarlaıdy “Adyrna” ulttyq portaly.
Ánshi «Airan» YouTube-arnasyna bergen suhbatynda Kenesary hannyń basyn alý oqıǵasyn qozǵap, osy jaǵdaı úshin qazaq halqynan óz atynan keshirim suraǵan bolatyn.
«Ormon han Kenesary hannyń basyn alýǵa májbúr boldy. Men óz atymnan qazaq halqynan osy oqıǵa úshin keshirim suraǵym keledi. Bul oqıǵa men úshin de aýyr, tipti kózime jas keledi. Biz Kenesary hannyń basyn óz eline jetkizip, Quran oqyp, osy oqıǵaǵa qatysty renishti joıýymyz kerek», – dedi ánshi suhbat barysynda.
Suhbattan keıin Prımberdıevtiń aıtýy boıynsha, onyń aıtqan sózderine qatysty áleýmettik jelilerde túrli pikirler men qarsylyqtar paıda bolǵan. Birqatar qoldanýshylar ánshiniń bul taqyrypty kótergenin orynsyz dep eseptedi. Osydan keıin Qaırat óziniń Instagram paraqshasynda vıdeo arqyly jaǵdaıdy túsindirýge májbúr boldy.
«Men suhbat bergende, men búkil qyrǵyz halqynan emes, tek óz atymnan keshirim suradym, bul óz sózim. Meniń suhbatym bir saǵattan astam ýaqytqa sozyldy, biraq múmkin formatqa baılanysty shyǵar, degenmen tek meniń keshirim suraǵan sózim, qysqa úzindisi ǵana jarııalandy. Eger suhbatty tolyq tyńdasańyz, meniń sózderimniń máni, onyń shynaıylyǵy men adal nıetim túsinikti bolar edi», — dedi ánshi vıdeo habarlamasynda.
