Aqtaýda Rixos qonaqúıiniń janynda qustar qyrylyp jatqany týraly aqparat tarady. Bul týraly Lada.kz saıty jarııalady, dep habarlaıdy “Adyrna” ulttyq portaly.
Aqparatqa sáıkes, orman sharýashylyǵy jáne janýarlar dúnıesi komıtetiniń oblystyq aýmaqtyq ınspekııasy Rixos qonaqúıi mańynan ólgen qustardyń tabylýyna qatysty túsinikteme berdi.
Inspektorlar qonaqúı mańyndaǵy jaǵalaýdy aralaǵanda bir aqqýdyń, taǵy alty úırektiń óleksesin tapty.
Vedomstvo bul oqıǵa týraly qala bıligi men Rixos ákimshiligine habarlanǵanyn málim etti.
“Qarakól kólinde qazir 10-nan astam aqqý men basqa da qustar mekendeıdi. Kaspıı teńiziniń jaǵalaýynda birneshe qustyń qyrylýy qustardyń álsireýinen tabıǵı túrde boldy”, deıdi Orman sharýashylyǵy jáne janýarlar dúnıesi komıtetiniń oblystyq aýmaqtyq ınspekııasy.
Jappaı qyrylý bolǵan joq, dep sendirdi ınspekııa. Degenmen, jeltoqsan aıynyń sońynda Qarakól kólinde Mıkrobıologııa jáne vırýsologııa ortalyǵynyń mamandary zertteý úshin ólgen aqqýlar men úırekterden synama alǵan. Nátıjesi 10 qańtarǵa deıin daıyn bolady.
Vedomstvo qustardyń qus tumaýynan qyrylýy múmkin ekenine de boljam jasap otyr.
Buǵan deıin aqqýlardyń jappaı qyrylýyna baılanysty Mańǵystaýda Rixos Aktau qonaqúıine qatysty is qozǵalǵan bolatyn.
