Aqtaýdaǵy ushaq apatynan qaza tapqan qazaqstandyqtardyń ishinde astanalyq Gaýhar Shaımerdenova men onyń uly bolǵany týraly aqparat tarady. Anasy men uly apattan kóz jumǵan, dep habarlaıdy "Adyrna" ulttyq portaly.
Telejúrgizýshi Sandı Sultan Gaýhar Shaımerdenovanyń ushaqta bolǵanyn habarlady. Jýrnalıst olardyń dos ekenin jáne ol 10 jasar uly Eldarmen birge Bakýden ushqanyn aıtty.
“Sengim kelmeıdi, tiri qaldy dep oılaımyn. Alla saqtasyn! Gaýhar ekeýimizdiń óte kóp josparymyz bar edi. Kishkentaı Eldar anasynyń janynda bolǵan”, – dep jazdy Sandı Sultan.
Mınıstrliktiń baspasóz qyzmetindegiler apattan qaza tapqandar arasynda 11 jastaǵy Eldar Jumaǵat pen onyń anasy bar ekenin rastady.
"Oqý-aǵartý mınıstrligi qaza bolǵan azamattardyń otbasyna qaıǵyra kóńil aıtady", - dep habarlady bilim mekemesi.
Muǵalimder Eldardyń daryndy, meıirimdi, ári eńbekqor bala bolǵanyn aıtady.
"Jańa ǵana áýe apaty saldarynan qaza tapqandar týraly tyń derekter belgili boldy. Olardyń arasynda 11 jasar Eldar Jumaǵat pen onyń anasy da bar. Muǵalimderdiń aıtýynsha, Eldar — daryndy, meıirimdi, ári eńbekqor bala bolǵan. Ol barlyq tanystarynyń júreginde jarqyn iz qaldyrdy. Oqý-aǵartý mınıstrligi qaza bolǵandardyń otbasyna kóńil aıtyp, olardyń qaıǵysyna ortaqtasady", — delingen habarlamada.
