Memlekettik keńesshi Erlan Qarın ál-Farabı atyndaǵy Qazaq ulttyq ýnıversıtetiniń 90 jyldyǵyna arnalǵan saltanatty jıynǵa qatysty, dep habarlaıdy "Adyrna" ulttyq portaly.
Jıynda Prezıdenttiń bastamasymen qolǵa alynǵan ózgeristerdiń túpki maqsatyna toqtaldy.
«Prezıdenttiń júrgizip otyrǵan saıasatynyń túpki maqsaty – memlekettiń irgesin myqtap bekemdep, qýatyn odan da arttyryp, álemdegi jańa jaǵdaılar men úrdisterge beıimdeý. Sondyqtan, bizdiń elimiz ǵana emes, búkil álem synaqqa túsken osyndaı sátte, bıik maqsattar jolynda Memleket basshysy júrgizip otyrǵan osy jumystardyń tóńiregine meılinshe toptasyp, judyryqtaı jumylýymyz kerek»,- dedi Memlekettik keńesshi.
