Qazaqstan Respýblıkasynyń Memlekettik keńesshisi Erlan Qarın Almaty qalasyndaǵy Á.Marǵulan atyndaǵy Arheologııa ınstıtýtynda «Qazaqstan tarıhy: ejelgi dáýirden búginge deıin» atty jańa akademııalyq basylymdy ázirlep jatqan jetekshi ǵalymdarmen kezdesti, dep habarlady Aqorda.
Memleket basshysy 2021 jylǵy qańtarda jaryq kórgen «Táýelsizdik bárinen qymbat» atty maqalasynda zamanaýı ǵylymı tásilderdi qoldana otyryp, Qazaqstan tarıhynyń kóptomdyǵyn daıyndaý týraly bastama kótergen bolatyn.
Ǵylym jáne joǵary bilim vıe-mınıstri Darhan Ahmed-Zakı, sondaı-aq tomdardyń redakııalyq alqalarynyń jetekshileri men músheleri – Á.Marǵulan atyndaǵy Arheologııa ınstıtýtynyń bas dırektory Aqan Ońǵar, Sh.Ýálıhanov atyndaǵy Tarıh jáne etnologııa ınstıtýtynyń bas ǵylymı qyzmetkeri Bolat Kómekov, Sh.Ýálıhanov atyndaǵy Tarıh jáne etnologııa ınstıtýty dırektorynyń orynbasary Jomart Jeńis, Joshy Ulysyn zertteý ǵylymı ınstıtýtynyń bas ǵylymı qyzmetkeri Aıbolat Kóshkimbaev, R.B.Súleımenov atyndaǵy Shyǵystaný ınstıtýty janyndaǵy Tarıhı materıaldardy zertteý boıynsha respýblıkalyq aqparattyq ortalyǵynyń dırektory Merýert Ábýseıitova, Sh.Ýálıhanov atyndaǵy Tarıh jáne etnologııa ınstıtýtynyń dırektory Zııabek Qabyldınov, Sh.Ýálıhanov atyndaǵy Tarıh jáne etnologııa ınstıtýty dırektorynyń orynbasary Shámek Tileýbaev, Memleket tarıhy ınstıtýty dırektorynyń orynbasary Búrkitbaı Aıaǵan kóptomdyqty ázirleý jumysy týraly Memlekettik keńesshige aqparat berdi.
Jıynda Erlan Qarın Qazaqstan tarıhy týraly akademııalyq basylymdy ázirleý barysynyń aralyq qorytyndysyn jasady. Memlekettik keńesshi kóptomdyqtyń daıyndyq dárejesin baǵalaı otyryp, osy ǵylymı jobany júzege asyrý utymdy ári obektıvti kózqarastardy, barlyq tarıhı faktilerdi, materıaldar men qujattardy jan-jaqty zerdeleýdi jáne sońǵy jyldardaǵy ǵylymı jańalyqtardy aınalymǵa engizýdi qajet etetinin atap ótti.
Bul jobaǵa 5 ǵylymı ınstıtýt, elimizdiń 250-den jáne sheteldiń 60-tan astam tarıhshy ǵalymdary jumyldyryldy. Kóptomdyqqa 40-tan asa arheologııalyq zertteý materıaldary, tarıh, arheologııa jáne etnografııa salalary boıynsha 300-ge jýyq eńbek enetin bolady. Akademııalyq basylymdy daıyndaý barysynda halyqaralyq forýmdardyń, kóptegen ǵylymı konferenııanyń, dóńgelek ústelder men ádistemelik semınarlardyń aıasynda arnaıy sekııalar ótti. Osy is-sharalarda ǵylymı zertteýlerdiń nátıjeleri tekserildi, sondaı-aq ǵalymdardan, sarapshylardan jáne mamandardan usynystar alyndy.
