Maŋǧystau oblysynda ūşaq apatynan qaza tapqandar qūrmetıne Kaspii teŋızıne gül şoqtary jıberıldı. Būl turaly oblys äkımdıgınıŋ baspasöz qyzmetı mälımdedı, dep habarlaidy “Adyrna” ūlttyq portaly.
Aqparatqa säikes, 26 jeltoqsan künı Aqtau, Qūryq jäne Bautino porttarynda ūşaq apatynan qaza tapqandardy eske alu jäne olarǧa qūrmet belgısı retınde Kaspii teŋızıne aza tūtu gül şoqtary jıberıldı
Teŋızşıler būl jalpyǧa ortaq qasıret ekenın jetkızdı.
"Būl - jantügerşılık ūşaq apatynan qaza tapqandardyŋ barlyǧyna qūrmet belgısı bolmaq. Būl soŋǧy jyldardaǧy eŋ qaiǧyly oqiǧalardyŋ bırı, bırneşe adam qaitys boldy. Olardyŋ qatarynda balalar da bar. Qaitys bolǧandardyŋ jaqyndarynyŋ sezımderı tüsınıktı, bız sızdermen bırgemız. Bız qamköŋıl
Qūryq portyndaǧy äzırbaijandyq "Zarifa Aliyeva" paromynda da osyndai räsım öttı, onda käsıporyn qyzmetkerlerı, audan äkımdıgı jäne BAQ ökılderı jinaldy. "Qūryq Port" JŞS direktory Serık Ahmetov ūşaq apatyn bükıl eldı dür sılkındırgen qaiǧyly oqiǧa dep atady. Ol qaza tapqandardyŋ otbasylaryna köŋıl aitty.
Osyndai ıs-şara Bautino portynda da öttı, onda ondaǧan adam jinaldy. Olar bır minut ünsızdıkpen qaza tapqandardy eske alyp, aimaq tūrǧyndary, onyŋ ışınde teŋızşıler de zardap şekkenderge kez kelgen uaqytta barlyq qoldau körsetuge daiyn ekenın atap öttı.
