Baký-Groznyı baǵytyndaǵy AZAL áýe kompanııasynyń ushaǵy Groznyı qalasyna jaqyndaǵanda Reseıdiń «Panır-S» áýe qorǵanys júıesiniń shabýylyna ushyraǵany anyqtaldy, dep habarlaıdy “Adyrna” ulttyq portaly.
Bul týraly Caliber.Az redakııasy málimdedi.
Redakııa málimetinshe, aldyn ala tergeý nátıjeleri boıynsha reseılik taraptyń radıoelektrondyq kúres (REB) júıelerin qoldanýy saldarynan ázerbaıjandyq ushaqtyń baılanys júıesi tolyq isten shyqqan. Osy sebepti ushaq Reseı áýe keńistiginde radarlardan joǵalyp, tek Kaspıı teńiziniń ústinde ǵana qaıta tabyldy.
Reseı derekkózderine sáıkes, Sheshenstan aýmaǵynda reıs kezinde Reseıdiń áýe qorǵanys kúshteri ýkraındyq drondardy atyp túsirýge tyrysqan. Sheshen Respýblıkasy qaýipsizdik keńesiniń basshysy Hamzat Qadyrov 25 jeltoqsan tańynda Groznyıǵa drondar shabýyl jasaǵanyn rastady, biraq zardap shekkender men qırandylar bolmaǵanyn aıtty. Mundaı jaǵdaıda Reseı tarapy azamattyq ushaqtar úshin áýe keńistigin jabýy tıis edi. Alaıda bul shara qabyldanbady. Sheshenstan ústinde ushý aımaǵynyń jabylmaýy úlken suraq týdyrady.
Groznyı qalasynyń áýejaıy ushaqqa qonýǵa ruqsat bermegeni anyq. Sonymen qatar, bortqa Mahachkala men Mıneraldy Sýlar áýejaılarynda da qonýǵa ruqsat etilmegen. Áýe qorǵanys júıesiniń shabýylyna jáne REB áserine ushyraǵan ekıpaj Qazaqstannyń Aqtaý qalasyna baǵyttalǵan. Keıbir sarapshylardyń aıtýynsha, bul usynystyń maqsaty ushaqty Kaspıı teńizine qulatý bolǵan. BAQ-ta jarııalanǵandaı, sol arqyly kýágerlerdiń bári qaza taýyp, ushaq sýǵa batyp ketýi múmkin edi.
Reseılik BAQ-ta taratylyp jatqan balama nusqalar qoǵamdyq pikirdi shatastyrý úshin jasalǵan aqparattyq shabýyl retinde baǵalanýda. Ushaq salonyndaǵy vıdeolardan eki jolaýshynyń jarqynshaqtan jaralanǵany anyqtaldy. Jolaýshylardyń jarylys dybystaryn estigeni týraly kýágerlik málimetteri áýe qorǵanys kúshteriniń jumysyn rastaıdy.
Ázerbaıjan tarapy úshin jaǵdaı aıqyn. Bul áreket qasaqana jasalmaǵan bolýy múmkin. Alaıda anyqtalǵan faktilerdi eskere otyryp, Baký Reseı tarapynan ázerbaıjandyq ushaqty atyp túsirgenin moıyndaýyn, el halqynan resmı túrde keshirim suraýyn jáne kinálilerdi jaýapkershilikke tartý úshin tolyqqandy tergeý júrgizýdi kútedi.
