Aqtaudaǧy apat. Qūlaǧan ūşaq radardan bırneşe ret joǧalyp ketken - BAQ

Aqtauda opat bolǧan ūşaqqa qatysty jaŋa derekter belgılı boldy, dep habarlaidy "Adyrna" ūlttyq portaly QazTAG-qa sıltep. Agenttıktıŋ mälımetınşe, Flightradar24 saity Bakuden Groznyiǧa ūşyp bara jatqan J28243 reisımen bailanysty mälımetterge nazar audarǧan. Äue kemesı keşe Qazaqstannyŋ Aktau qalasyna jaqyn maŋda apatqa ūşyraǧan. Flightradar24 kartasyndaǧy mälımetterge säikes, ūşaq Mahachqala maŋynda radardan joǧalyp, 12 minuttan keiın Soltüstık Osetiianyŋ Ardon qalasy maŋynda qaita paida bolǧan. Onda ūşaq bıraz uaqyt ainalyp ūşyp, qaita joǧalyp ketıp, 1,5 saǧattan keiın Kaspii teŋızı üstınde Aktau maŋynda körıngen. Būl derekter boiynşa reistıŋ baǧytynda belgısız jaǧdailardyŋ bolǧany kümän tudyrdy. Apattyŋ sebebı ūşaq qozǧaltqyşyna qūs tüsuı boluy mümkın degen aqparat tarady. Būl derektı Reseidıŋ aviasiia ökılı Artem Koreniako rastady. Qazır apat bolǧan jerde 287 qūtqaruşy men 65 tehnika jūmys ıstep jatyr. Soŋǧy derekterge säikes, apattan 29 adam zardap şektı. 38 adam, onyŋ ışınde alty qazaqstandyq, qaza tapty. Qaza bolǧan qazaqstandyqtardyŋ arasynda balalar da bar. Qazaqstan prezidentı Qasym-Jomart Toqaev apatqa bailanysty Äzerbaijan prezidentı İlham Älievke köŋıl aitty.