20 jeltoqsan kúni Germanııanyń Saksonııa-Anhalt federaldyq aımaǵyndaǵy Magdebýrg qalasynda qaıǵyly oqıǵa oryn aldy, dep habarlaıdy “Adyrna” ulttyq portaly.
Rojdestvolyq jármeńkede avtokólik adamdardy qaǵyp, eki adamnyń ómirin qıdy. Onyń biri kámelet jasqa tolmaǵan bala. Taǵy 68 adam túrli dárejede jaraqat aldy.
Kýágerlerdiń aıtýynsha, oqıǵa ortalyqtaǵy Alter Markt alańynda bolǵan. Jármeńke aýmaǵyna kóptegen jedel járdem kólikteri men dárigerler shaqyrtylyp, aýmaqty polıııa qyzmetkerleri qorshaýǵa alǵan.
Die Welt basylymynyń málimetinshe, kólikti Saýd Arabııasynan kelgen 1974 jyly týǵan er adam basqarǵan. Ol avtokólikti jalǵa alǵany anyqtaldy. Sonymen qatar, kóliktiń jolaýshylar oryndyǵynda belgisiz júk tabylǵan. Onyń jarylǵysh zat ekeni ázirge rastalmady.
Oqıǵaǵa baılanysty tergeý amaldary júrgizilýde. Quqyq qorǵaý organdary oqıǵanyń sebepterin anyqtap jatyr.
