Qarjylyq monıtorıng agenttigi Biz Birgemiz qoǵamdyq qaıyrymdylyq qorynyń teń quryltaıshysy jáne basshysy Perızat Qaıratqa qatysty tergeý barysynda tárkilengen dúnıe-múlik týraly aqparat taratty, dep habarlaıdy “Adyrna” ulttyq portaly.
“Sottyń sankııasymen qylmystyq jolmen alynǵan qarajatqa satyp alynǵan Astana qalasyndaǵy "Akbulak Riviera", "Highvill Ishim Gold", "Kók Jaılaý" (turaq oryndaryn qosa alǵanda), "Sensata Plaza" TK, sondaı-aq "Vela Village" kottedj qalashyǵyndaǵy elıtalyq jyljymaıtyn múlik, Mercedes-Benz S450, Mercedes-Benz EQE 500, Lexus LX-600, Haval avtomobılderi tárkilendi.
Perızat Qaırattyń turǵylyqty jerin tintý barysynda qaıyrymdylyqqa jınalǵan qarajatqa satyp alynǵan qymbat tehnıka, Cartier, Graff, Rolex, Bulgari, Gucci, Louis Vuitton, Versace, Chopard, Hermes, Dolce & Gabbana, Prada jáne t. b. sııaqty tanymal álemdik brendterdiń kıim, aıaq kıim, zergerlik buıymdar, sómkeleri tabylyp, tárkilendi” delingen habarlamada.
Tárkilengen múlik zattaı dáleldemeler retinde tanylyp, is materıaldaryna qosylǵan.
Agenttik Perızat Qaıratqa tıesili qarajattyń, jyljymaıtyn múliktiń jáne basqa da múliktiń ornalasqan jeri týraly aqparatty bilgen adamdardy arnaıy nomerge: +7 (7172) 70-84-78, 70-84-79 (qosymsha nómiri: 21384) habarlasýdy suraıdy.
Eske sala keteıik, Perızat Qaırat «Kómekke jınalǵan 1,5 mlrd teńgeni jymqyrǵan» degen kúdikpen ustalyp, tergelip jatyr.
16 qarasha kúni Qarjy monıtorıngi agenttigi Perızat Qaırat Palestınaǵa dep aqsha jınap, taǵy 200 mln teńge jymqyrǵanyn rastadǵan bolatyn.
