Ánshi, QR halyq ártisi Maqpal Júnisova óz ómirinen syr shertti, dep habarlaıdy "Adyrna" ulttyq portaly Turkystan.kz-ke siltep.
Óner ıesi jýrnalıst Dına Tólepbergenniń baǵdarlamasyna suhbat berip, Zamanbek Nurqadilov týraly taǵy bir aqparatty aıtty.
“Men ol kisiniń esigin qaǵyp, bosaǵasyna baryp “Meni alshy” dep jalynǵan emespin. Tipti ol kisige ǵashyq ta bolmaǵanmyn. Jaqsy da kórgen joqpyn. Zákeń ózi degenin jasap, qalaýyn oryndady. “Shesheń berse de, bermese de alamyn” dedi. Qolynda bıligi boldy. Aınalasynda biz qorqatyn adamdar boldy. Alǵash kezde biz ol kisiden qoryqtyq. Keıin baryp, syılastyq ornady. Al Zákeń ornynan túsip qalǵanda, men de ketip qalsam, halyq shýlaıtyn edi. “Bastyq bolǵanda qatyny bolyp edi, bılikten ketkende Maqpal da ketip qaldy” dep sógetin edi. Qıyn sátte janynda qaldym. Ekeýmiz de ákesiz óstik. Ol da men sııaqty qaıyrshy bolatyn. Bılik te qoldan ketti. Baılyǵy da bolmady. Ol jaqpen óshtesetindeı jalǵyz Zákeń emes eki qatyn alǵan. 10 qatyn da alyp jatqandar bar. 1991 jyly shańyraq kóterdik, 1998 jyly zańdy nekege turdyq. Keıde ashýlanyp kelgende, “Urpaqtaryńyz bar, baryńyz sol jaqqa” dep aıtamyn. “Joq, qaıtpaımyn” deıtin. Men ol kisiniń jolyn baılaǵan joqpyn”, – dedi halyq ártisi.
