Qazaqstannyŋ Halyq ärtısı Maqpal Jünısova Öskemendegı jol polisiiasy qyzmetkerlerıne qatysty renışın aitqan bolatyn. Atalǧan jaitqa qatysty Şyǧys Qazaqstan oblysynyŋ Polisiia departamentı tüsınıkteme berdı, dep habarlaidy "Adyrna".
Änşınıŋ aituynşa, ol gastroldık saparmen Şyǧys Qazaqstan oblysyna barǧan kezde mıngen kölıgın tärtıp saqşylary toqtatqan. Onyŋ sözınşe, polisiia qyzmetkerlerı kölıktı bıraz uaqyt jıbermei ūstap, keiın aiyppūl salǧan.
Vedomstvo mälımetınşe, 3 mamyr künı Öskemen qalasynda Bajov köşesınıŋ boiynda «Lexus LX 570» markaly kölık toqtatylǧan.
Tekseru barysynda avtokölıktıŋ aldyŋǧy büiır äinekterıne qara tüstı tonirovka (köleŋkeleu) japsyrylǧany anyqtalǧan. Osyǧan bailanysty jürgızuşı kölık qūraldaryn paidalanu qaǧidalaryn būzǧany üşın äkımşılık jauapkerşılıkke tartylǧan.
