7 jeltoqsan kúni Ońtústik Koreıa prezıdenti Iýn Sok Iol eldegi oppozıııa basqaratyn parlamenttegi ımpıchment rásiminen ótti, dep habarlaıdy "Adyrna" ulttyq portaly Renhap aqparat agenttigine silteme jasap.
Agenttiktiń málimeti boıynsha eldiń bir palataly parlamenti – Ulttyq assambleıanyń 300 múshesiniń tek 195-i daýys berýge qatysqan. Al sheshim qabyldaý úshin depýtattardyń keminde úshten eki bóligi qoldaý qajet.
Alty oppozıııalyq partııanyń ımpıchment rásimin bastaǵany belgili, olardyń barlyǵy 192 orynǵa ıe. Bul bastamanyń sátti bolýy úshin olar úkimettik partııa "Halyq kúshiniń" keminde segiz depýtatynyń qoldaýyn alý qajet. "Búkil el búgin Ulttyq assambleıada qabyldanatyn sheshimdi baqylap otyr. Barlyq álem baqylap otyr", - dep ókinishpen aıtty parlament spıkeri Ý Von Shık.
Úkimettik partııanyń lıderi Han Don Hýn Ońtústik Koreıa prezıdenti Iýn Sok Iolden áskerı jaǵdaı engizý týraly sheshimine baılanysty otstavkaǵa ketýin talap etti jáne onyń el úshin úlken qaýip tóndiretinin málimdedi. Ol óz málimdemesi "ımpıchment úshin qajetti daýys sanyn" qamtamasyz etedi dep sengen edi, biraq bul iske aspady.
AFP agenttigi 5 jeltoqsanda Han Don Hýnnyń ımpıchmentti toqtatatynyn aıtqanyn eske saldy. Onyń pikirin ózgertýine, prezıdenttiń óz áreketteriniń durys emes ekenin moıyndamaýy sebep boldy. Han Don Hýnnyń pikirinshe, el basshysy áskerı jaǵdaı kezinde kontrbarlaý basshysynan birneshe mańyzdy saıasatkerdi "antıúkimettik áreketteri" úshin qamaýǵa alýyn tapsyrǵan.
Ońtústik Koreıadaǵy eń iri oppozıııalyq kúsh — "Tobýro" Demokratııalyq partııasy 4 jeltoqsanda el prezıdentiniń ımpıchmentin talap etetinin málimdedi. Partııa sonymen qatar memleket basshysyna, qorǵanys jáne ishki ister mınıstrlerine, sondaı-aq "áskerı jaǵdaıdy basqarýshy jáne polıııa bastyǵy sııaqty negizgi áskerı jáne polıeılik tulǵalarǵa" memlekettik tóńkeris jasady dep aıyp taǵýdy josparlap otyr.
Eske sala keteıik, 3 jeltoqsan keshke Ońtústik Koreıa prezıdenti Iýn Sok Iol elde áskerı jaǵdaı rejımin engizgenin kútpegen jerden jarııalaǵan edi. Biraq 4 jeltoqsan tańerteń parlament onyń jarlyǵyn qoldamaǵannan keıin ony joıdy. Áskerı jaǵdaı kezinde parlamenttiń — Ulttyq assambleıanyń jáne saıası partııalardyń jumys isteýi toqtatyldy. Iýn bul sharanyń qajettiligin oppozıııanyń "antıúkimettik qyzmeti" dep túsindirdi.
