Kásipker Qaırat Boranbaevqa tıesili bolǵan "Almaly" saýda ortalyǵy qaıta qurylyp, balalarǵa arnalǵan ǵylym mýzeıi bolady. Bul týraly Almaty ákimi Erbolat Dosaev máslıhattyń kezekten tys sessııasynda málimdedi, dep habarlaıdy “Adyrna” ulttyq portaly.
«2025 jyldan bastap Almatyda burynǵy "Almaly" saýda ortalyǵynyń bazasynda TMD-daǵy balalarǵa arnalǵan alǵashqy ǵylym mýzeıin Science Museum Singapore uıymymen birlesip qurý jumystary bastalady», – dedi ol.
Jobany júzege asyrý úshin qalalyq bıýdjetten 12,2 mıllıard teńge bólinedi dep josparlanýda.
Aıta keteıik, "Almaly" SOO buǵan deıin kásipker Qaırat Boranbaevqa tıesili bolǵan. 2023 jyly ol bul nysandy basqa aktıvterimen birge memleketke óz erkimen tapsyrdy. Ǵımarat uzaq ýaqyt boıy jabyq turyp, 2022 jylǵy qańtar oqıǵasy kezinde qatty zardap shekken.
Eske salsaq, 2023 jyldyń 15 qyrkúıeginde Astana qalalyq sotynyń apellıaııalyq alqasy Qaırat Boranbaevqa «QazTransGaz» AQ qarjysyn talan-tarajǵa salý jáne zańdastyrý isi boıynsha úkim shyǵaryp, onyń múlki tárkilenip alty jylǵa bas bostandyǵynan aıyrylǵan bolatyn.
