Karta audarymdaryna salyq salynbaidy - Ūlttyq ekonomika ministrlıgı

Bırqatar BAQ-ta kartadan kartaǧa jasalǧan audarymdarǧa 12 paiyzdyq qosylǧan qūn salyǧymen (KQS) salyq salynatyndyǧy turaly aqparat tarady. Būl norma jaŋa Salyq kodeksınıŋ jobasynda bar dep habarlanǧan.  Qazaqstannyŋ Ūlttyq ekonomika ministrlıgı būl jaǧdaiǧa qatysty mälımdeme jasady, dep habarlaidy "Adyrna" ūlttyq portaly. Mäjılıs deputaty Ashat Aimaǧambetovtyŋ aituynşa, būl aqparat qate. Ministrlıktıŋ mälımdeuınşe, būl tek bankterdıŋ qyzmetı üşın alynatyn komissiialarǧa  qatysty mäsele. Mysaly, audarymdar nemese karta şyǧaru qyzmetı üşın alynatyn komissiialar. "Azamattardyŋ aqşasyna salyq salynbaidy. Būryn bankter qarjylyq operasiialar boiynşa salyqtyq jeŋıldıkter alyp, sol tabystan salyq tölemeitın. Jaŋa Salyq kodeksınıŋ jobasynda osy jeŋıldıkterdı alyp tastau ūsynylyp otyr", — dep tüsındırdı ministrlık. Sondai-aq, bır banktıŋ ışındegı aqşa audarymdary ädette komissiiasyz jüzege asatyndyǧyn atap öttı. Sondyqtan mūndai jaǧdailarda salyq salynbaidy. Mysaly, eger bank klientten 100 teŋge komissiia alsa, onyŋ 12 teŋgesı qosylǧan qūn salyǧy retınde tölenuı qajet. Jaŋa Salyq kodeksı 2025 jyldyŋ şıldesıne deiın qabyldanuy tiıs edı. Bıraq Qazaqstan Prezidentı Qasym-Jomart Toqaev onyŋ qabyldanuyn keiınge şegerudı tapsyrdy.