Áleýmettik jelide qoldan jasalǵn 5 000 teńgelik banknotalardyń aınalymda júrgeni týraly vıdeo tarp, eldi dúrliktirdi, dep habarlaıdy "Adyrna" ulttyq portaly.
Tıktokqa vıdeo júktegen avtor jalǵan aqshany shyn aqshadan aıyrý qıyn ekenin, tek banknotanyń bir betindegi “prazdnýem vmeste” sózinen ǵana ajyratýǵa bolatynyn aıtady.
Ulttyq bank áleýmettik jelide taraǵan vıdeolarǵa qatysty málimdeme jasady.
“Ulttyq bank áleýmettik jeliler men messendjerler arqyly ulttyq valıýta túpnusqa banknotalarynyń syrtqy belgilerine uqsaıtyn jáne "Prazdnýem vmeste!", "Ne ıavlıaetsıa platejnym sredstvom" degen bógde jazbalary bar baspa ónimderin satyp alýdy usynatyn jarnamalardyń taralý faktileri anyqtalǵanyn eskertedi. Atalǵan ónimder jalǵan bolyp sanalady. Atalǵan jaǵdaılar boıynsha Ulttyq bank olardyń taralý faktisin tekserý úshin ishki ister mınıstrligine ótinish joldady. Osyǵan baılanysty, banknotalardy qoldaný kezinde jazýlarǵa erekshe nazar aýdaryp, olardyń túpnusqalyǵyn muqııat tekserý usynylady”, – delingen bank habarlamasynda.
