Úkimet 2026 jyly Ulttyq qordan alynatyn nysanaly transfert kólemin qatań shekteýge nıetti. Ol kepildendirilgen transfertttiń 30 paıyzyna aspaýy tıis. Bul týraly Ulttyq ekonomıka vıe-mınıstri Azamat Ámrın jańa Salyq kodeksi talqylaǵan dóńgelek ústel barysynda málimdedi, dep habarlaıdy “Adyrna” ulttyq portaly.
«Iaǵnı, eger kepildendirilgen transfert 2 trln teńge bolsa, onda nysanaly transferttiń shekti mólsheri 600 mlrd teńgeden aspaýy tıis. Sondyqtan 2026-2028 jyldarǵa arnalǵan boljamda Ulttyq qordan alynatyn qarajattyń eń joǵarǵy mólsherin 2,6 trln teńge deńgeıinde belgiledik», – dedi vıe-mınıstr.
Azamat Ámrın nysanaly transfert tek el úshin strategııalyq mańyzy bar jobalar men mańyzdy ınfraqurylymǵa jumsalatynyn aıtty.
Aıta ketsek, Ulttyq qorda qazir 32,65 trln teńge jınaqtalǵan. 2025 jyl basynda bir aıda qordaǵy qarjy 402 mlrd teńgege azaıǵan.
