Búgin, 25 qarasha — Túrki jazba tilin jańǵyrtý kúni. Mereke 2019 jyldan beri toılanyp keledi, dep habarlaıdy «Adyrna» tilshisi.
Osydan 131 jyl buryn danııalyq lıngvıst Vılgelm Tomsen alǵash ret kóne túrki jazýynyń kiltin taýyp, ǵylym áleminde aıryqsha jańalyq ashqan edi.
Ǵalymnyń 200 jyl boıy syryn ashpaı kele jatqan kóne eskertkishten eń aldymen oqyǵan sózderi «táńiri» jáne «túrik» degen sózder bolatyn. Osy kezden bastap túrkologııa tarıhynyń jańa taraýy bastaldy. Kezdeısoq túrde ashylǵan bul eki ǵana sóz bútindeı bir kóne dáýirdiń qupııa qupııasyn ashýǵa jol ashty. Ýaqyt óte kele oǵan HH ǵasyrda túrki elderiniń ǵalymdary – túrik, qazaq, ázerbaıjan, ózbek jáne basqa da zertteýshileri qosyldy.
Qazir Eýrazııa kóleminde túrik bitikpen bádizdelip órnektelgen 700-den astam irili-kishili bitiktas, eskertkishter, jartastaǵy jáne túrli zat-buıymdardaǵy mátinder tirkelip otyr.
Qazirgi tańda Halyqaralyq Túrki akademııasynda kóne túrki jazýyn zerttep, aýdarýmen aınalysatyn «Túrkologııa, altaıstıka jáne mońǵoltaný» bólimi qyzmet isteıdi. Sonymen qatar Akademııa tarapynan túrkologııaǵa eleýli úles qosqan zertteýshilerge arnalǵan, «Vılgelm Tomsen» atyndaǵy medal shyǵarylǵan.
