Halyqaralyq qylmystyq sot Netanıahý, Galant jáne HAMAS jetekshisine order berdi, dep habarlaıdy "Adyrna" ulttyq portaly.
Halyqaralyq qylmystyq sot Izraıl premer-mınıstri Bınıamın Netanıahý, burynǵy qorǵanys mınıstri Ioav Galant jáne HAMAS jetekshileriniń biri Muhammed Deıfke áskerı qylmystar men adamzatqa qarsy qylmystar jasady degen aıyppen qamaýǵa alý orderin berdi.
HQS málimetinshe, Izraıl basshylyǵy Gaza sektoryndaǵy beıbit turǵyndardy ómir súrýge qajetti zattardan ádeıi aıyryp, gýmanıtarlyq kómekke kedergi keltirdi dep aıyptalyp otyr. Sonymen qatar, sot Gazadaǵy beıbit turǵyndarǵa baǵyttalǵan áýe soqqylary men adam quqyqtaryn buzý jaǵdaılaryn anyqtady.
Muhammed Deıfke qatysty aıyptar 2023 jyly 7 qazanda Izraıldegi beıbit turǵyndarǵa jasalǵan terrorıstik shabýyldarǵa baılanysty. HQS málimdemesinde bul áreketter beıbit turǵyndardy jappaı qyryp-joıý sıpatynda bolǵany aıtylǵan.
Izraıl úkimeti sot sheshimin "absýrdty" dep atap, HQS-ty terrorıstik toptardy qoldady dep aıyptady. Izraıldiń oppozıııalyq saıasatkerleri de bul sheshimdi synap, ony "terrorızmdi madaqtaý" dep baǵalady.
HQS-tyń bul qadamy Taıaý Shyǵystaǵy shıelenistiń odan ári ýshyǵýyna yqpal etýi múmkin degen alańdaýshylyq bar. 2023 jyldyń qazanynan beri Izraıl men HAMAS arasyndaǵy qaqtyǵys kezinde myńdaǵan adam qaza tapty.
Aıta keteıik, "Ýkraınaǵa qarsy soǵys ashyp, basqynshy áskerleriniń qolymen ýkraın halqyn qurtyp jatqan Reseı prezıdenti Vladımır Pýtın - áskerı qylmysker" dep aıyptalǵan edi. Halyqaralyq qylmystyq sot (HQK) Reseıdiń basshysyn qamaýǵa alýǵa order bergen.
