QMA eriktiler qozǵalysynyń belsendisi Perızat Qaıratqa qatysty taǵy bir derekti jarııalaǵanyn málimdedi, dep habarlaıdy "Adyrna" ulttyq portaly.
QMA habarlamasynda:
«2023 jyldyń qarasha aıynda Perızat Qaırat Palestına turǵyndaryna gýmanıtarlyq kómek kórsetý úshin qarajat jınaýdy uıymdastyrdy.
2023 jylǵy jeltoqsanda osy aqsha esebinen Perızat Qaırat «Sensata Plaza» elıtalyq kesheninen 49 mln teńgege úsh bólmeli páter jáne 30 mln teńgege «Mercedes-Benz EQE 500 4 Matic» jańa avtokóligin satyp aldy.
Sonymen qatar, qarajattyń bir bóligi BAÁ-de «Rolex», «Prada» jáne «Fendi» brendtik býtıkterinen zergerlik buıymdardy, saǵattar men kıimderdi satyp alýǵa jumsaldy», — delingen agenttiktiń málimdemesinde.
Bul epızod boıynsha QMA Perızat Qaırattyń 200 mln teńgeden asa qarajatty jymqyrdy degen kúdikke ilingenin habarlady. Tergeý jalǵasýda.
«Eger siz Perızat Qaırattyń alaıaqtyq áreketteriniń qurbany bolsańyz, Astana qalasy Beıbitshilik kóshesi, 10 meken-jaıy boıynsha nemese +7 (7172) 70-84-78 telefon nómiri boıynsha Qarjylyq monıtorıng agenttigine habarlasýyńyzdy suraımyz», — dep jazdy vedomstvodan.
Aıta keteıik, Qazaqstannyń para ústel tennısi federaııasy Perızat Qaırattyń ustalýyna jáne oǵan qatysty tergeýdiń bastalýyna baılanysty uıym prezıdenti qyzmetinen bosatylǵan bolatyn.
