Aqtaýda 12 jastaǵy jasóspirim qyz ústine fýtbol qaqpasy qulap, jaraqat aldy. Oqıǵaǵa qatysty Aqtaý qalalyq turǵyn-úı kommýnaldyq sharýashylyq bólimi túsinikteme berdi, dep habarlaıdy “Adyrna” ulttyq portaly.
Aqparatqa sáıkes, aýrýhanada jasóspirimniń mańdaıy men qabaǵyn tigip bergen. Jábirlenýshi qyzdyń otbasy qarjylyq kómekke muqtaj ekeni áleýmettik jelide jazyldy.
Oqıǵaǵa qatysty Aqtaý qalalyq turǵyn-úı kommýnaldyq sharýashylyq bólimi túsinikteme berdi. Aıtýlarynsha, tozyǵy jetken aýlalar abattandyrylyp, oıyn alańdary jóndelip jatqan.
"Qala aýmaǵyndaǵy tozyǵy jetken sport alańdaryn jańartý maqsatynda jańadan 50 dana sport alańyn ornatý josparlanyp, merdiger mekeme anyqtalǵan bolatyn. Ol - "Kompanııa Stroı Indýstrııa" JShS", - deıdi vedomstvo.
Merdiger aýlalardyń tizimin jasap, iske kirisip te ketken.
"Oqıǵa bolǵan 2-shaǵyn aýdandaǵy №71 turǵyn úıdiń mańynda ornalasqan fýtbol alańyn jańartý maqsatynda demontaj jumystary júrgizildi. Demontajdalǵan jabdyqtar tolyqtaı shyǵarylyp, tehnıkaǵa tıelgen. Alaıda eki fýtbol qaqpasy tehnıkaǵa syımaı qalǵandyqtan alańda qaldyrylǵan", - deıdi TKSh bólimi.
Jasóspirimniń ústine bos turǵan qaqpa qulaǵan. Qazirgi kúni Aqtaý qalalyq polıııa basqarmasymen birlesip, tıisti shara qabyldaý maqsatynda monıtorıng jumystary júrgizilýde, deıdi qalalyq TKSh.
Al merdiger "Kompanııa Stroı Indýstrııa" JShS "Lada.kz" portalyna balaǵa qajetti kómektiń bári kórsetiletinin aıtty.
"Bizdiń jumysshylar jumystaryn keshki saǵat 19:00-ge deıin istedi. Al oqıǵa 18:00-19:00 arasynda bolǵan. Jumysshylar istegen jumystaryn sol ýaqytta vatsapqa jibergen de bolatyn. Kelesi kúni olar qalǵan zattardy alyp ketýge kelgen. Biraq qaqpany alyp ketpedi. Óıtkeni turǵyndar óz qarajatyna satyp alǵandyqtan qaldyrýymyzdy suraǵan", - deıdi merdiger mekeme basshysy Eldar Amanǵalıev.
Ol sondaı-aq zardap shekken qyzdyń týystarymen baılanysqanyn aıtty
"Qazir Aqtaýda jáne Astanada dáriger izdeımiz. Barlyǵyn tóleýge daıyn - dári-dármekter, operaııa. Qazir tyrtyqtardy jazýǵa múmkindik beretin operaııalar bar. Qyzǵa barynsha kómektesemiz", - dedi Eldar Amanǵalıev.
