Aqtaýda 19-yqshamaýdannyń turǵyndary birneshe kúnnen beri aýyz sýsyz otyr, dep habarlaıdy "Adyrna" ulttyq portaly Lada basylymyna siltep.
11 maýsym kúni turǵyndar páterlerinde sýdyń joqtyǵyna narazylyq bildirip, joldy jaýyp tastady. Oqıǵa ornyna polıııa, qala ákimi men kommýnaldyq qyzmet ókilderi attandy. Qala ákimdiginiń baspasóz qyzmeti jaǵdaıǵa qatysty túsinikteme berdi.
"Ekinshi qabatta da sý qysymy jetpeıdi. Turaqty shaǵymdar men ýádeler nátıje bermeıdi", - deıdi halyq.
Sharasyzdanǵan jergilikti turǵyndar máselege nazar aýdarý úshin joldy jaýyp tastaǵan.
Mańǵystaý oblystyq polıııa departamentiniń qyzmetkerleri joldy tazalap, turǵyndardy jol jıegine shyǵýdy surady. Kólik qozǵalysy qalpyna keltirildi.
Halyqqa qala ákimi Ulyqbek Tnalıev pen QJSA basshysy kelgen. Sheneýniktermen kezdesken turǵyndar úılerine tarqasty.
